"28 qyrkúıekte saǵat shamamen 03.00-de Qaraǵandy oblysynyń PD patrýldik polısııasy batalony qyzmetkerleri Buqar jyraý aýdany aýmaǵynda ornalasqan “Qaraǵandy – Aıagóz” tasjoly bóliginde Qaraǵandy qalasyna bara jatqan kólikke nazar aýdardy. Kele jatqan kólik shegine deıin artylǵany kórinip turdy. Mashınanyń ishi-syrty qapqa tıelgen jańa aýlanǵan balyqty polıseıler kólikten anyqtady. Róldegi 38 jastaǵy júrgizýshide balyqqa qajetti qujattar bolǵan joq", delingen habarlamada.
Kólik júrgizýshisi balyqty qaıdan alǵanyn polıseıler QR Qylmystyq kodeksiniń 335-baby (Balyq resýrstaryn, basqa da sý janýarlaryn nemese ósimdikterin zańsyz alý) boıynsha qozǵalǵan qylmystyq isti tergeý barysynda anyqtaıdy.
