Aımaqtar • 29 Qyrkúıek, 2020

Pavlodar oblysynda shekaradan ótken 11 adamnan indet anyqtaldy

29 ret kórsetildi

Bas sanıtarlyq dárigeriniń qaýlysymen  memleket shekarasynda anyqtama bolmaǵan jaǵdaıda PTR arqyly tekserý júrgiziledi, dep habarlaıdy Egemen.kz Ravlodarnews.kz saıtyna silteme jasap.

Bul týraly oblystyq ákimdikte ótken keńeıtilgen apparat keńesinde óńirdiń bas sanıtarlyq dárigeri Batyrbek Álıev málim etti.

"25-28 qyrkúıek aralyǵynda 11 adam anyqtaldy. Onyń ishinde ekeýi – 14 jasqa deıingi balalar. Barlyq tekserilgenderde belgileri joq  túri tirkeldi.  Shekaradan ótken 11 adamnyń úsheýi - ózge óńirlerden. Onyń ishinde Reseı Federasııasy, Shyǵys Qazaqstan jáne Qaraǵandy  oblystarynan bar. Barlyǵy úı karantınine jiberilgen. Jaǵdaılary jaqsy dep baǵalanýda. Ambýlatorlyq em taǵaıyndalyp, baılanysta bolǵan adamdar tizbegi anyqtaldy. Oshaqtarda zalalsyzdandyrý jumystary júrgizildi. Basqa   qalalardyń turǵyndaryna qatysty aqparat epıdemııaǵa qarsy sharalar júrgizý maqsatynda  sol óńirlerge jiberildi", dedi Batyrbek Álıev.


Bas sanıtarlyq dárigerdiń aıtýynsha, búgingi tańda oblysta rastalǵan 3917 koronavırýs ınfeksııasy tirkelgen. Onyń ishinde belgileri bar - 2741, belgileri joq - 1176. О́tken táýlikte alty jaǵdaı tirkeldi.  Táýliktik ósim kórsetkishi  0,2  paıyzdy qurady.  Jeti kúnniń ishinde ortasha eseppen kún saıynǵy ósim – 0,6 paıyz. 17 qyrkúıek – 20 qyrkúıek aralyǵynda 2,5 paıyzdan  0,3 paıyzǵa deıin tómendegen. Alaıda sońǵy aptada, ıaǵnı 22-27 qyrkúıek aralyǵynda 0,6 paıyzǵa óskeni baıqalady. 

Sonymen qatar 1040 vırýsty pnevmonııa tirkelgen. Bul kórsetkish ótken aımen salystyrǵanda 30,6 paıyzǵa azaıǵan.  

Oblystyq densaýlyq saqtaý basqarmasy basshysynyń orynbasary Aıdar Seıtkazınov búgingi tańda eki bala stasıonarda em qabyldap jatqanyn aıtady. 

"Olardyń jaǵdaılary turaqty, ortasha aýyr dep baǵalanady. Qalǵan balalar ambýlatorlyq em qabyldaýda. Bul - belgileri joq koronvırýs. Eresekterge keletin bolsaq, stasonarlarda  290 adam ornalastyrylǵan.  Ortasha aýyr jáne  aýyr jaǵdaıdaǵy naýqastar sany – 7. Eki adam apparatqa qosylǵan. Dári-dármekpen tolyq qamtamasyz etilgen", deıdi Aıdar Seıtkazınov. 


Oblys ákimi Ábilqaıyr Sqaqov mektepke deıingi mekemeler men dástúrli túrde sabaq ótkiziletin bilim berý uıymdaryna erekshe kóńil bólýdi tapsyrdy. 

Sońǵy jańalyqtar

Qur aýlaımyn dep quryqtaldy

Aımaqtar • Keshe

Almatyda jer silkindi

Qazaqstan • Keshe

Elengen erlik

Aımaqtar • Keshe

Uqsas jańalyqtar