29 Qyrkúıek, 2020

Bilim jáne ǵylym mınıstri Ulttyq keńestiń usynystaryn nazarǵa alyp, jumys isteýde

13 ret kórsetildi

Mınıstr A. Aımaǵambetov aǵymdaǵy jyldyń mamyr aıynda Ulttyq qoǵamdyq senim keńesiniń qoıǵan mindetteri týraly egjeı-tegjeıli Facebook áleýmettik jelisindegi paraqshasynda jazba jarııalady.

Aǵymdaǵy jyldyń 27 mamyrynda QR Prezıdentiniń qatysýymen bilim berý jáne densaýlyq saqtaý máselelerine arnalǵan Ulttyq qoǵamdyq senim keńesiniń úshinshi otyrysy ótken bolatyn.

Otyrysta Prezıdent keńes músheleriniń nazaryn bilim berý salasyna baılanysty mindetterge aýdaryp, bilim berý salasyn qarjylandyrý kóleminiń jetkiliksizdigin atap ótken. Bunyń nátıjesinde elimizdegi bilim berý sapasy men mektep ınfraqurylymy damyǵan elderden aıtarlyqtaı artta qalýǵa alyp kelgen.

«Oqýshylardyń bilim deńgeıin halyqaralyq baǵalaý nátıjeleri Qazaqstannyń damyǵan elderden edáýir artta qalǵanyn kóosetip otyr. Munyń sebepteri kóp, bastysy — bilim berýge bólinetin qarajattyń jetkiliksizdigi jáne osy saladaǵy reformalardyń júıesizdigi men durys oılastyrylmaǵan» - dedi Prezıdent otyrysta. Ol pedagogıkalyq mamandyqtarǵa túsý úshin talaptardy arttyrý qajet ekenin jáne onyń tartymdylyǵyn arttyrý úshin stıpendııany 26 000 teńgeden 42 000 teńgege deıin arttyrý qajet ekenin atap ótti.

Búgin Bilim jáne ǵylym mınıstri Ashat Aımaǵambetov áleýmettik jelidegi paraqshasynda Ulttyq qoǵamdyq senim keńesi músheleriniń mamyrdaǵy jıynda jasaǵan usynystary qalaı júzege asyrylyp jatqany týraly baıandady:

«Aǵymdaǵy jyldyń mamyr aıynyń sońynda ulttyq qoǵamdyq senim keńesiniń kezekti otyrysy ótti, onda basty taqyryp bilim men ǵylymdy damytý boldy.

UKSQ otyrysynyń qorytyndysy boıynsha Memleket basshysy bilim jáne ǵylym júıesin ilgeriletýge baǵyttalǵan mańyzdy tapsyrmalar berdi.

Osyndaı tapsyrmalardyń biri pedagogıkalyq mamandyqtarǵa túsetin talapkerlerge synaq sapasyn arttyrý jáne bir mezgilde stıpendııa mólsherin 42 myń teńgege deıin ósirý boldy.

О́tken jyly stıpendııa mólsheri 21 myń teńgeni qurasa, sodan keıin jeltoqsan aıynda, Prezıdenttiń tapsyrmasynan keıin 26 myńǵa deıin ósti, endi 1 qyrkúıekten bastap bolashaq oqytýshylar 42 myń teńge mólsherinde eń joǵary stıpendııa alatyn bolady. Kesheden bastap stýdentter joǵary stıpendııa ala bastady.

Sondaı-aq, osy jyldyń maýsym aıynda pedagogıkalyq mamandyqtarǵa túsý úshin shekti ball birden 70-ke kóterildi.

Osy sharalardyń jáne «Pedagog mártebesi týraly» Zańnyń qabyldanýynyń arqasynda bıyldyń ózinde pedagogıkany tańdaǵan «Altyn belgi» ıegerleriniń sany 1,7 esege artty. Al kóptegen baǵyttar boıynsha ortasha ball 100-den joǵary boldy. Birneshe jyl buryn pedagogıkaǵa túsýshilerdiń ortasha baly shamamen 65-ti quraǵan. Demek, endi bul salaǵa joǵary baldary bar bilimi myqty túlekter túse bastady.

UQSK tapsyrmalary aıasynda qyrkúıek aıynan bastap doktoranttardyń stıpendııasy 102 myńnan 150 myń teńgege deıin ulǵaıdy. Mundaı shara jas ǵalymdarǵa jaqsy qoldaý bolady degen senimdemin. О́ıtkeni doktoranttardyń kóbisiniń otbasylary bar jáne bul olardyń zertteýlerin júrgizýmen aınalysýyna múmkindik beredi.

Budan basqa, 2020 jylǵy qyrkúıekten bastap memlekettik granttyń quny eselep ósti, bul joǵary oqý oryndary oqytýshylarynyń jalaqysyn ósirýge jáne MTB-ny nyǵaıtýǵa múmkindik beredi.

UQSK qorytyndysy boıynsha berilgen Prezıdenttiń barlyq tapsyrmalary erekshe baqylaýda jáne belgilengen merzimde oryndalatyn bolady», - dep jazǵan A.Aımaǵambetov.

 

«Úshinshi otyrys aıasynda mınıstrlik aldynda UQSK músheleri daıyndaǵan mindetter aıtyldy. Elimizdegi karantın men engizilgen tótenshe jaǵdaıǵa qaramastan, Ulttyq keńestiń Bilim mınıstrligine qoıǵan barlyq mindetteri tolyq kólemde júzege asyrylýda. Alǵa qoıylǵan mindetter boıynsha barlyq vedomstvolardan osyndaı belsendi jáne jedel keri baılanysty kútemiz» - deıdi Prezıdenttiń kómekshisi, Ulttyń keńestiń hatshysy Erlan Qarın.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar