"Vengrııa azamatynyń aıtýynsha, úıden 1 myń evrodan astam qarajat joǵalyp ketken. Biz brinshi kezekte sheteldik azamat turatyn úıge keletin adamdardy tekserdik. Tolyq tekserýden keıin, aqshany urlaǵan kúdikti úıdi tazalaǵan áıel ekenin anyqtadyq. Kúdiktiniń jedel túrde aqshany aıyrbastaǵan jeri anyqtaldy. Ol qajetti dálelder jınalǵannan keıin qamaýǵa alyndy. Úı tazalaýshy óziniń kinásin birden moıyndady", dedi Almaly aýdandyq polısııa basqarmasynyń bastyǵy Esen Ysqaqov.
Basqarma bastyǵy bul fakt boıynsha QR Qylmystyq kodeksiniń 188-babymen sotqa deıingi tergeý júrgizilip jatqanyn aıtty.
Esterińizge sala keteıik, urlyq bolǵany týraly aqparat alǵash áleýmettik jelide jarııalanǵan.
