Elorda • 29 Qyrkúıek, 2020

KVI qaıta órshigen jaǵdaıda tósek-oryn qalaı bólinedi?

16 ret kórsetildi

Vırýs qaıta órshigen jaǵdaıda 5 myńnan astam tósek-oryn jabdyqtaý josparlanyp otyr, dep habarlaıdy Egemen.kz elorda ákimdiginiń baspasóz qyzmetine silteme jasap.

Nur-Sultan qalasy ákimdigi men Qoǵamdyq densaýlyq saqtaý basqarmasy kúzgi-qysqy kezeńde koronavırýs ınfeksııasy qaıta órshý qaýpi bolǵandyqtan, daıyndyq jumystaryn júrgizýde.

Qalalyq qoǵamdyq densaýlyq saqtaý basqarmasynyń basshysy Tımýr Muratovtyń aıtýynsha, elordada arnaıy is-sharalar jospary ázirlendi.

Spıkerdiń aıtýynsha, koronavırýs qaıtadan bastalǵan jaǵdaıda stasıonarlarda tósek-oryndardy ornalastyrý úsh kezeńde júrgiziledi.

"Birinshi kezeńde jumys istep turǵan medısınalyq uıymdardan shamamen 1645 tósek-oryn alý kózdelip otyr, olar búginde ınfeksııalyq aýrýlary bar pasıentterdi qabyldaıdy. Respýblıkalyq uıymdardyń kúshimen taǵy 1919 tósek orny ashylady. Emhanalar, jataqhanalar men qonaq úıler resýrstarynan taǵy 2500 tósek-oryn ornalastyrý múmkindigi bar. Osynyń barlyǵy ınfeksııalyq tósek sanyn 5654-ke deıin keńeıtýge múmkindik beredi, onyń 441-i reanımasııalyq", dep túsindirdi Qoǵamdyq densaýlyq saqtaý basqarmasynyń basshysy Tımýr Muratov.

Buǵan deıin Nur-Sultannyń bas dárigeri búgingi tańda qalada kún saıyn KVI-men aýyratyn úshten jıyrmaǵa deıin naýqas túsetinin habarlady jáne halyqty sanıtarlyq-epıdemııalyq talaptardy qatań saqtaýǵa shaqyrdy.

Sońǵy jańalyqtar

Saqtansań – saý bolarsyń

Aımaqtar • Búgin, 23:00

Sırk - álem nazarynda

Qazaqstan • Búgin, 20:51

Qaraǵandy oblysynda kıik eti tárkilendi

Aımaqtar • Búgin, 16:48

Shekteýge túsken shekti álem

Álem • Búgin, 16:35

Uqsas jańalyqtar