Qoǵam • 29 Qyrkúıek, 2020

Almatynyń Áýezov aýdanynda qylmys deńgeıi edáýir tómendegen

52 ret kórsetildi

Bul týraly Almaty qalasynyń óńirlik kommýnıkasııalar qyzmetiniń alańynda ótken onlaın-brıfıng barysynda Áýezov aýdanynyń ákimi Saıran Saıfedenov aıtty, dep habarlaıdy Egemen.kz

"Aǵymdaǵy jyldyń 8 aıynda aýdanda 3296 qylmystyq quqyq buzýshylyq tirkeldi, bul ótken jylmen salystyrǵanda 47,6%-ǵa tómendegen (2019 jyly – 6290)", dedi ol.

Sonymen qatar, qoǵamdyq oryndarda quqyq buzýshylyq jasaý 2,4 esege (3986-dan 1644-ke deıin), kóshede jasalǵan quqyq buzýshylyqtar sany 2,7 esege (2514-ten 928-ge deıin) azaıdy. Buzaqylyq, páterlerden, avtokólikterden tonaý, urlyq, densaýlyqqa qasaqana aýyr zııan keltirý sııaqty qylmystar azaıdy.

"Almaty ákiminiń tapsyrmasymen qala qaýipsizdigi máseleleri jónindegi jınalysta aýdan polısııasy krımınogendik núkteler kartasyn jáne aýlalar men jaryqtandyrylmaǵan kóshelerge basa nazar aýdara otyryp, olardy patrýldeý shemasyn jasady. Quqyq buzýshylyqtyń aldyn alý maqsatynda qoǵamdyq oryndarda 173 marshrýt, 28 avtomobıldi jáne 145 jaıaý patrýl uıymdastyryldy", dedi S. Saıfedenov.

Budan basqa, Almaty qalasynyń ákimi Baqytjan Saǵyntaevtyń tapsyrmasy boıynsha aýdannyń jandanǵan jerlerinde 5 modýldi polısııa pýnktteri men 26 "Sergek" kesheni ornatyldy.

Sońǵy jańalyqtar

Qazaqstanda dollar qymbattady

Ekonomıka • Keshe

Uqsas jańalyqtar