Qoǵam • 29 Qyrkúıek, 2020

Erli-zaıyptylar psıhotroptyq zattar satýmen aınalysqan

130 ret kórsetildi

"Qarasora" jedel aldyn alý is-sharasy kezinde Polısııa departamentiniń "Esirtki qylmysyna qarsy" basqarmasynyń qyzmetkerleri О́skemende psıhotroptyq zattardy jasyrǵan otbasylyq jupty ustady, dep habarlaıdy Egemen.kz

Arnaıy operasııa kezinde 32 jastaǵy jáne 29 jastaǵy erli-zaıyptylar qolǵa tústi. Olar ońaı olja tabý úshin qyrkúıektiń basynda Nur-Sultan qalasynan О́skemenge kelip, psıhotroptyq zattardy satýmen aınalysqan.

Belgili bolǵandaı, kúdiktiler sıntetıkalyq psıhotropty zattardyń partııasyn satyp alyp, olardy neǵurlym usaq dozaǵa bólip, jasyrý arqyly ótkizgen.

"Tintý barysynda, ustalǵan tulǵalardan 150 gramm psıhotroptyq zattar tárkilendi. Bul degenimiz 500 birlik doza. Onyń quny qara bazarda 4 mln teńgeni quraıdy. Sondaı-aq dozany ólsheýge arnalǵan qurylǵy men býyp-túıýge arnalǵan qural-jabdyqtar tabyldy", dedi oblystyq Polısııa departamentiniń bastyǵy Saǵat Mádıev.

Qazirgi ýaqytta kúdiktiler ýaqytsha ustaý ızolıatoryna qamaldy. Qylmystyq kodekstiń 297-baby, 3-bólimine sáıkes (esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý nemese ótkizý) sotqa deıingi tergep-tekserý amaldary júrgizilýde. Joǵaryda atalǵan zańnyń sanksııasynda 15 jylǵa deıin bas bostandyǵynan aıyrý jazasy kózdelgen.

Sońǵy jańalyqtar

Vırýs mýtasııaǵa ushyrady

Koronavırýs • Keshe

Munaılyda gıdroponıka salasy damyp keledi

Aımaqtar • 30 Qazan, 2020

Elordada kottedjde bolǵan órt sóndirildi

Aımaqtar • 30 Qazan, 2020

Elordada 1700-den astam jumys orny quryldy

Aımaqtar • 30 Qazan, 2020

Uqsas jańalyqtar