Ekonomıka • 30 Qyrkúıek, 2020

21 mlrd teńge jemis baqtaryn damytýǵa baǵyttaldy

16 ret kórsetildi

«QazAgro» holdıngi Agrar­lyq nesıe korporasııa­synyń agro­óner­kásip kesheni, ınvestı­sııalyq belsendilik baǵytynda erekshe orny bar. 2019 jyly kompanııanyń damý strategııasy aýylsharýashylyq salasyndaǵy ınvestısııa men azyq-túlik óndi­risin molaıtý sekildi eki mańyzdy qyzmet túrimen tolyqtyryldy.

Basqarma tóraǵasy Baǵlan Qul­taev­­tyń aıtýynsha, korporasııa ın­ves­­tısııalyq jobalardy qarjylan­dyrýǵa erekshe kóńil bóledi. Búginde kompanııa qorjy­nynda jalpy quny 73 mlrd teńgeni quraıtyn 154 ınves­tı­­sııalyq joba bar.

«QazAgro» UBH, Agrarlyq nesıe korporasııasynyń ınvestısııalyq baǵytynyń biri – úzdiksiz ónim beretin jemis baqtary. Almaty, Jambyl jáne Túrkistan oblystary­nyń klımatynyń jumsaqtyǵy men aýa raıynyń qolaı­lyǵy aımaq kásipkerleriniń bel­sen­­diligine múm­kindik beredi. Osy óńirlerde jeńil­detilgen nesıe arqy­ly alma, jańǵaq, júzim jáne de bas­qa da shekildeýikti, súıekti jemis daqyl­daryn ósirý jobalary qar­jylan­dyryldy. Baqtar­dyń jyldyq jemis berý qýattylyǵy –72 tonna.

«Jemis baqtaryn damytý baǵy­tyn­da júzege asqan jobalardyń jalpy quny – 30 mlrd-tan astam teńge. Úzdik­siz jemis beretin baqtardy damytý maq­­satynda uıym 21 mlrd teńgeden astam nesıe berdi. Bıyl eli­mizde jeńil­­detilgen nesıeni ońaı alý jol­dary­nyń nátıjesinde baý-baq­shanyń jańa 8 jobasy iske qosy­lady», dedi B.Qultaev.

Qarjylandyrylǵan jobanyń biri – Túrkistan óńirinde. «Qazyǵurt baq­tary» aýyl sharýashylyǵy koope­ratıvi 140 gektar sharshy aýdanda birneshe surypty, atap aıtqanda, Grenıı Smıt, Aıdared, Golden Delıshes, Gala t.b. jalpy sany 265 alma kóshetin ekti. Baǵban Erjan Mádi­bekov nesıe qarjysyna kóshetter satyp alyp, baqty tolyqtaı ızraıldik tehnologııaǵa súıengen tamshylatyp sýarý júıesimen jabdyqtady. Odan bólek, alma aǵashtaryn qolaısyz aýa raıynan qorǵaıtyn torlar, ekpe kóshet­terdi qatarlap otyrǵyzý­ǵa múm­kin­dik beretin qurylǵy sa­typ aldy. Son­daı-aq tıimdi paıyz­­­dyq mól­sher­le­­memen, baýǵa qajetti aýyl­­sharýa­shylyq tehnıkalarynyń qyzmetine júgindi.

«Alma kóshetterin otyrǵyzý bary­sy ǵylymǵa súıengen jumys jo­basy negizinde júrgizildi. Bul óz kezeginde, baýdyń ónerkásiptik túri men joǵary surypty jemis ósirýdiń pro­gressıvti agrotehnologııasyna súıe­ne otyryp qurylǵan», deıdi kásipker.

Sondaı-aq elimizdi azyq-túlik­pen qamtý baǵytyndaǵy taǵy da bir ma­ńyzdy sala – sút óndirisi. Taýar­ly sút óndirý fermalaryna da je­ńil­detilgen nesıeni berýde basym­dyq beri­ledi. Tek sońǵy 10 jylda Ag­rar­­lyq nesıe korporasııasy ónimniń jal­­py qýaty 134 myń tonna sút ón­di­­rýge jetetin 45 jobaǵa qoldaý bildirdi.

«Bórte Mılka» JShS otandyq naryqqa, 4,3 tonnadan astam sút shy­ǵa­rady. Kásiporyn Túrkistan obly­synyń Ordabasy aýdanynda 80 adam­dy jumyspen qamtyp otyr. Kásip­ker Agrarlyq nesıe korporasııa­sy ar­qyly alynǵan qarajatqa maldy baı­lap baǵý jabdyǵyn, Eýro­pada jasal­ǵan jemdi tegisteý quryl­ǵyla­ryn satyp aldy. Kásipti keńeıtý de oıda bar.

«Bizdiń taýarly sút fermasy 2018 jyly iske qosylǵan. Qazir fer­mada saýyn sút óndiriledi. Da­ıyn ónimdi qaıta óńdeý jáne ony naryq­qa shyǵarý jumystary jolǵa qoıy­l­ǵan», dep atap ótti kásiporyn dırektory Nuraly Ábishov.

Agrarlyq nesıe korporasııasy jańa tehnologııanyń damýyna, básekege qabiletti ónimderge, aýyl­sharýashylyq qyzmet túriniń jaqsa­rýyna, otandyq ónimniń qarqyn alýyna árdaıym qoldaý kórsetip keledi. Búgingi kórsetkishterge sáıkes, agro­ónerkásip keshenine, aýyl sharýa­shy­lyǵyna ınvestısııa quıýdan kósh basynda keledi.

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar