Tehnologııa • 30 Qyrkúıek, 2020

Sańyraýqulaqty qaldyqsyz óndirýde

13 ret kórsetildi

Qazaq otbasylary kásip ete bermeıtin sańyraqulaq ósirýge Kentaýdaǵy Gúlnár Nııazovanyń otbasy mamandanǵan. Olar «Samruk Kazyna trust» qorynyń «Áreket» baǵdarlamasyna qatysyp, úsh satyly baıqaýynan jeńimpaz atanǵan. Sóıtip, 2 mln teńgelik áleýmettik-kásipkerlik grantyna ıe boldy.

Úıiniń aýlasyndaǵy shaǵyn ból­melerdiń birin sańyraý­­qu­laq ın­kýbatoryna aınaldy­ryp, ekin­shisinde ósirýde. Maman­dar­­dyń aıtýynsha, 100 gramm sa­ńy­raýqulaq quramynda 70 gramm et, 2 kılo alma, 300 gramm fýn­dýk-orman jańǵaǵy,10 dana qyza­naq­tyń kalorııasyn beredi eken.

Kásip ashyp qana qoımaı, Kentaý qalasynyń turǵyndary Ádilet Elshibek, Vladımr Pozd­nıkov esimdi múgedek azamattardy jumyspen qamtydy. Al­daǵy ýaqyt­ta kásibin ulǵaıtyp, eńbek­ke jaramdy múgedek azamattardy jumyspen qamtýǵa nıet etip otyr.

Ol sańyraýqulaq qaldyq­taryn jemis aǵashtarynyń túbine ornalastyryp, máýesiniń mol bolýyna da kóńil bólýde. Qazirgi kezde aýlasynda júzim, jańǵaq, anar, injir, orman jańǵaǵy, sarǵal, alsha, ıtmuryn jemisterin ósirýde. Bolashaq­ta ananas, banan ósirip kórmek. Kásip ıesi munymen toqtap qalmaı, Kentaý qalasyndaǵy kolledjinde shaǵyn jylyjaı qurylysyn bastap ketken. Al­daǵy ýaqytta kalıfornııalyq shubal­shań ósirip, jerdi tabıǵı qopsytýdy ári balyqshylarǵa satýdy da oılastyrýda. Bárinen buryn kásipker Gúlnár Nııazova qaldyqsyz ónim óndirip qana qoımaı, ony kútip baptaýǵa múgedek jandardy kóptep tartýdy maqsat etip otyr.

 

Eskendir ERTAI

 

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar