Bilim • 30 Qyrkúıek, 2020

Stýdentterge arnalǵan konkýrs jarııalandy

28 ret kórsetildi

Qazaqstan stýdentteriniń alıansy elimizdiń úzdik stýdentterin anyqtaý maqsatynda alǵash ret konkýrs uıymdastyryp otyr. «Qazaqstannyń altyn jastary» syılyǵyna el stýdentteri birneshe baǵyt boıynsha qatysa alady.

Alıans tóraǵasy Ilııas Tústikbaev atal­­­ǵan shara bıyl birinshi ret ótkizi­lip jatqa­nyn alǵa tartady. «Jyl sońyn­da Qazaqstan stýdentter alıansynyń sha­qy­­rylymynda úz­dik stýdentterdi marapattaýdy jospar­lap otyrmyz. Bul jyl saıyn ótkiziletin dástúr­ge aınalsa degen de oıymyz joq emes», ­deı­di uıym bas­­shysy.

Uıymdastyrýshylar «Jastardyń ózin-ózi basqarý júıesin damytý» jobasy aıasynda ótkiziletin syılyq keleshekte elimizdegi jastardy jáne jastardyń ózin-ózi basqarý uıymdaryn qoldaý jáne damytýǵa úles qosady degen úmitte. Jyl sońyna qaraı tá­mam­dalatyn jarysta úzdik stýdent, kol­ledj­diń úzdik stýdenti, úzdik volonter, JOO-nyń eń úzdik ózin-ózi basqarý uıy­my, kolledjdiń eń úzdik ózin-ózi basqarý uıy­­my, ózin-ózi basqarý uıymynyń eń úzdik kóshbasshysy, Qazaqstan stýdentteri alıan­synyń úzdik shtaby men Qazaqstan stýdent­teri Alıansynyń úzdik belsendisi anyqtalmaq.

Joǵaryda atalǵan atalymdar boıynsha úzdikter qatarynan tabylǵysy keletin stý­dentter ótinimderin ask_ksa@list.ru elek­­­trondy mekenjaıyna 20 qazanǵa deıin ji­be­rýi kerek.

Sonymen qatar stýdentter alıansy bıyl­dyń úzdik ózin-ózi basqarý uıymyna da konkýrs jarııalap otyr. Aqparat jáne qoǵamdyq damý mınıstrligi, «Azamattyq bastamalardy qoldaý ortalyǵy» KeAQ qol­daýymen ótip jatqan baıqaýǵa elimiz­degi joǵary oqý oryndaryndaǵy jas­tar uıymdary qatysa alady. Úzdik dep tanyl­ǵan uıymdarǵa 200 myń teńge kóleminde grant bar. 1 jáne 2-orynǵa laıyq kóringen jastar qaýymdastyǵy 100 000, 150 000 teńgelik sertıfıkatqa ıe bolmaq.

«Bul konkýrsty uıymdastyrýdaǵy ne­gizgi maqsatymyz – ár oblystaǵy jas­tar másele­sin kóterip, jastardyń áleý­­met­tenýine jaǵdaı jasap júrgen uıym­­dardy respýblıkaǵa tanytyp, olar­dyń eńbekterin dáripteý. Qarjylaı syı­lyq taǵaıyndaý arqyly da olarǵa qol­daý kórsetip, odan ári jumys isteýin jiger­lendirmek oıymyz bar. Jas­tar mem­leket tarapynan qoldaý kórse, eńbek­­teriniń baǵa­lanǵanyn túsinse budan da úl­­ken qadam­dar jasap, alyp asýlardy eńseredi degen oı bar. Álbette, jastar­dyń máselesin jas­tardyń sheshýi oryndy ári qalypty. Alaı­da memlekettiń qol­daýynsyz biz kút­ken nátıjege qol jet­kizý keı kezde múm­kin bolmaıdy. El jas­taryn atalǵan konkýrs­tarǵa belsene qaty­sýǵa shaqyramyz. basqa óńirlerdegi árip­testerimen tanysyp, oı bólisip, serik­testik túzeýge de jaqsy oraı týyp tur. Sondyqtan bul konkýrstar keleshekte óz jemisin beredi degen senimdemiz», deıdi Ilııas Tústikbaev.

Konkýrs talaptaryna sáıkes, ár ýnıversıtetten 1 jastar uıymy qatysa alady eken. Sonymen birge jeńimpazdar sany da shekteýli ekeni málim boldy. Ilııas Tús­tik­­baevtyń aıtýynsha, respýblıkalyq ke­zeńge ár oblystan 1 uıymnan, al el asta­­­nasy men Shymkentten 2, Almaty qala­­synan 3 uıymnan jiberiledi. Iаǵnı saıys­tyń respýblıkalyq kezeńinde 21 jas­tar qaýymdastyǵy baq synasady.

 

Sońǵy jańalyqtar

Almatyda birqatar ǵımarat jylýsyz qaldy

Aımaqtar • Búgin, 18:03

Almatyda jer silkindi

Qazaqstan • Búgin, 16:48

Bıyl Qazaqstanda qys qandaı bolady?

Aýa raıy • Búgin, 16:37

Medeý men Shymbulaq qashan ashylady?

Aımaqtar • Búgin, 15:58

Elengen erlik

Aımaqtar • Búgin, 13:22

Qarashada kún sýytady

Aýa raıy • Búgin, 11:59

Shyǵys Qazaqstanda qus tumaýy tirkeldi

Aımaqtar • Búgin, 11:36

Dollardyń búgingi baǵamy belgili boldy

Ekonomıka • Búgin, 11:22

Uqsas jańalyqtar