Hokkeı • 30 Qyrkúıek, 2020

«Barys» muzaıdynǵa qashan oralady?

9 ret kórsetildi

Qurlyqtyq hokkeı lıgasynda (QHL) baq synaıtyn elordanyń «Barys» klýby hokkeıshilerinen koronavırýs indeti tabylyp, komanda eki aptalyq karantınge jabylǵan bolatyn. Karantın merzimi 1 qazanda aıaqtalyp, úsh kúnnen keıin Sankt-Peterbýrgtiń SKA klýbymen muzaıdynǵa shyǵýy tıis. Alaıda ótken juma kúni «Barys» quramyndaǵy taǵy birneshe oıynshydan vırýs shyqqany belgili bolǵan soń, otandyq BAQ-tarda qazaqstandyq komandanyń karantınge jabylýy múmkin ekeni aıtylyp jatyr.

 

Ortalyq kommýnıkasııalar qyz­metinde ótken dástúrli brı­fıngte Densaýlyq saqtaý mınıs­trliginiń resmı ókili Baǵdat Qojah­metov 17 qyrkúıekte «Ba­rys» hokkeı komandasynyń 11 ada­mynda COVID-19-dyń bar-joǵyn anyqtaý úshin tapsyrǵan test oń nátıje kórsetkenin habar­lady. Keıinnen 22 qyrkúıekte baı­lanysta bolǵan 29 adamdy tek­serý kezinde komandanyń taǵy 8 múshesinde ınfeksııa anyqtaldy. Sóıtip barlyǵy 19 adamnan koronavırýs tabylǵany belgili boldy. Olardyń ishinde tek oıyn­shylar ǵana emes, bapkerlik quram­nyń ókilderi de bar. Barlyǵy qazir ambýlatorııalyq jaǵdaıda em qa­byl­dap jatyr eken.

QHL basshylyǵy osy máselege baılanysty «Barystyń» oıyndaryn keıinge shegerý týraly sheshim qabyldady. Elorda komandasy jarysty «Nomad» klýbynyń oıynshylarymen de jalǵastyra berýge bolar edi, alaıda negizgi quramnyń bapkerleri de indetke shaldyqqan soń matchty keıinge shegerýge májbúr bolǵan. Biraq QHL «Barysqa» 1 qazannan keıin muzaıdynǵa shyǵýy tıis ekenin eskertken. Qazaqstandyq koman­da karantınge baılanysty turaqty birinshilikti ýaqytsha jal­ǵastyra al­maıtyn bolsa, teh­nıkalyq je­ńilis beriletinin de qadap aıt­qan.

Al «Barys» klýbynyń baspa­sóz qyzmetiniń jetekshisi Evgenıı Akmanov 4 qazanda turaqty birin­shiliktiń bekitken kestesine sáı­kes SKA komandasymen muzaı­dynǵa shyǵýǵa daıyndalyp jat­qanyn jetkizdi. Biraq reseılik komandanyń da birqatar oıynshysy koronavırýsqa shaldyqqan. SKA da matchtaryn farm-klýbyn­daǵy jas hokkeıshilerimen ótkizip júr. Osylaısha, «Barys» oıyn josparlanǵan merzimde ótedi dep úmittengenimen, matchtyń ótpeı qalýy da múmkin. Onyń birneshe sebebi bar.

Birinshiden, eki klýbtyń bi­rinde oıynǵa deıin vırýs beleń alsa, match keıinge shegerilýi ábden múmkin. Ekinshiden, SKA komandasy Qazaqstanǵa kelýden bas tartýy nemese túrli sebeptermen kelmeı qalýy da ǵajap emes. Úshinshiden, «Ba­rys» dáleldi sebeptermen ko­mandalyq karantındi uzartyp, matchty oınaýdan bas tartyp, teh­nı­kalyq jeńiliske kelisim berýi yqtımal. О́ıtkeni «Barysta» kún­tizbeniń tyǵyzdyǵyna baılanys­ty, qalǵan kezdesýlerdi keıinge she­gerýge endi múmkindik joq. Osy jáne basqa da sebeptermen elor­da komandasyna belgilengen mer­zimde muzaıdynǵa oralmaý qaýpi týyndap tur.

Aıta keteıik buǵan deıin «Ba­rystyń» keıinge shegerilgen alty matchynyń tórteýiniń ýaqyty bel­gili boldy. Iаǵnı «Sochımen» kez­desý 28 qazanǵa, «Kýnlýnmen» bolatyn oıyn 19 jeltoqsanǵa jəne «Metallýrpen» match  2021 jyldyń 3 aqpanyna josparlanǵan. Al 3 qa­rashada «Barys» elordada Rı­ganyń «Dınamosyn» qabyldaýy tıis.

«Barys» komandasy QHL-diń bıylǵy maýsymynda ka­ran­­tınge deıin alty kezdesý ót­kizip, 7 upaımen «Shyǵys» kon­ferensııasynda toǵyzynshy orynda, Chernyshov dıvızıonynda tórtinshi orynda kele jatyr. Qazirgi tańda jerlesterimizdiń enshisinde eki jeńis jáne tórt jeńilis bar. Onyń úsheýinde over­taım jáne býllıt serııasynda qarsylastaryna ese jiber­gen. Turaqty lıganyń bı­yl­ǵy tusaýkeser kezdesýinde «Barys» hokkeıshileri Rıganyń «Dına­mosynan» jáne tórtinshi týrda Qy­taıdyń «Kýnlýn Red Star» klý­bynan 3:2 esebimen aılasyn asyr­ǵan bolatyn. Elorda ujymy alty kezdesýde qarsylastar qaq­pa­syna jalpy sany 16 shaıba soǵyp, óz qaqpasyna 19 gol ótkizip alǵan.

Sońǵy jańalyqtar

Almatyda jer silkindi

Qazaqstan • Búgin, 16:48

Bıyl Qazaqstanda qys qandaı bolady?

Aýa raıy • Búgin, 16:37

Medeý men Shymbulaq qashan ashylady?

Aımaqtar • Búgin, 15:58

Elengen erlik

Aımaqtar • Búgin, 13:22

Qarashada kún sýytady

Aýa raıy • Búgin, 11:59

Shyǵys Qazaqstanda qus tumaýy tirkeldi

Aımaqtar • Búgin, 11:36

Dollardyń búgingi baǵamy belgili boldy

Ekonomıka • Búgin, 11:22

Uqsas jańalyqtar