Baǵdarlamanyń maqsaty – karantın jáne tótenshe jaǵdaıdyń halyqqa tıgizetin keri áserin tómendetý, qoǵamdyq jáne eriktiler uıymdaryn qoldaý, BAQ arqyly qoǵamnyń habardarlyǵyn arttyrý.
«Qazaqstan Respýblıkasyna 27 jyldan astam senimdi seriktes bolyp kele jatqan bizdiń kompanııa osy aýmaly-tókpeli kezeńde shet qalmaı, eldiń synaqtan aman ótý qabiletin arttyra tústi. Medısınalyq qural-jabdyqtar alýmen qosa, biz pandemııaǵa tótep berýge halyqtyń áleýetin arttyrýǵa bet burdyq. Nátıjesinde myńdaǵan adamǵa jáne kóptegen mekemege kómek kórsete aldyq», dedi «Shevron» kompanııasynyń ókili Leıla Aıtmuhanova.
Karantınniń halyqqa tıgizetin negatıvti áserin azaıtý azamattyq jáne eriktiler uıymdarynyń áleýmettik jaǵynan qorǵalmaǵan toptarǵa kórsetilip jatqan kómekterin úılestirý arqyly júzege asyryldy. Nátıjesinde, baspasóz betterinde qazaq tilindegi sapaly kontenttiń sany artty.
Baıqaýǵa 100-den astam ÚEU qatysty. Nur-Sultan men Almaty qalalarynyń 11 ÚEU QOLDA shuǵyl kómek jobasynyń grant ıegeri atandy.
«Elimizde TJ men karantın bastalǵan soń bizdiń qor birden qashyqtan jumys isteý formatyna kóshti. Jumysymyz tıimdi ári nátıjeli bolýy úshin tehnıkalyq bazamyzdy jetildirý keregin túsindik. Baǵdarlamalyq jasaqtamalardy jańartyp, noýtbýkter satyp alyndy. Qashyqtan jumys isteý formatynda qor ujymy 8 jobany tıimdi júrgizip otyrdy. Sonyń ishinde Qolda shuǵyl kómek baǵdarlamasy bar. Bul joba ózin tıimdi joba retinde kórsetti. Ekinshi kezeńinde jetildirilgen nusqasy iske qosylady», dedi «Ortalyq Azııanyń Eýrazııa qory» korporatıvtik qorynyń dırektory Rınad Temirbekov.
ÚEU-ǵa bólingen 24 mln teńge áleýmettik turǵydan qorǵalmaǵan toptar men mıgranttarǵa, pandemııa saldarymen kúreske azamattyq qoǵamdy qaýipsiz túrde tartýǵa, jumys oryndaryn qurýǵa, shaǵyn jáne orta bızneske konsýltasııalyq kómek pen qoldaý kórsetýge jáne medısına qyzmetkerlerin qoldaýǵa baǵyttalǵan bastamalarǵa jumsaldy.
Joba aıasynda atqarylǵan jedel ári mobıldi jumys nátıjesinde ÚEU apta saıyn ýaqtyly esep berip otyrdy. Sol eseptiń negizinde newsletter-ler daıyndalyp, QOLDA shuǵyl kómek baǵdarlamasynyń grantyn utqan BAQ-qa jiberildi. Bul jumys apta saıyn júrgizilip, BAQ oqyrmandaryna ýaqtyly senimdi aqparat alý múmkindigin berdi. Newsletter taratý júıeli túrde júrgizilip otyrdy jáne oqyrmandar men jazylmandarǵa der kezinde rastalǵan aqparat alyp otyrýǵa keremet múmkindik berdi. Grant ıegeri atanǵan aqparat quraldary STEPPE basylymy, Baribar Media – mýltımedııalyq kontent daıyndaıtyn kópsalaly saıt, RELIANCE beıkommersııalyq ınternet radıo, Manshuq Media onlaın portaly, Hola News (Hola nıýs) aqparattyq portaly, Dalanews aqparattyq agenttigi, «Qazaqstan MM radıosy» qoǵamdyq ınternet radıosy.
«Bizdiń aldymyzda turǵan mindet – kásipkerlerge baǵyt-baǵdar berý, kómektesý, keńes berý. Shaǵyn jáne orta bıznes ókilderine karantınniń keri áserin azaıtý maqsatynda memleket iske qosqan mehanızmder men prosesterdi túsindirip otyrdyq. Bizdiń qaýymdastyq otbasylyq kásippen aınalysatyn adamdarmen kóp jumys isteıdi. Olardyń bıznesi búkil otbasyny asyrap otyr», deıdi «Qazaqstannyń otbasylyq bıznesi assosıasııasy» zańdy tulǵalar birlestiginiń basshysy Iа.Isakova.
QOLDA shuǵyl kómek baǵdarlamasynyń grant ıegerleri atanǵan 11 ÚEU 23 sáýir men 23 tamyz aralyǵynda aýqymdy kómek kórsetti. Atap aıtqanda, «Qazaqstannyń otbasylyq bıznesi assosıasııasy» zańdy tulǵalar birlestigi shaǵyn jáne orta bıznes salasynda isteıtin almatylyq 1 334 turǵynǵa konsýltasııalyq kómek kórsetti. «Dos» táýelsiz ómir» múgedekter qoǵamdyq birlestigi Nur-Sultan qalasynda turatyn múmkindikteri shekteýli azamattarǵa karantın kezindegi qıyndyqtardy jeńýge kómektesip, azyq-túlik qoraptaryn jetkizip, psıhologııalyq jáne konsýltasııalyq qoldaý kórsetti. «Aıala» jeke qaıyrymdylyq qory Nur-Sultan qalasyndaǵy kún kórisi tómen 100 otbasyna kómek kórsetti. «Muqtajdarǵa kómek» qaıyrymdylyq qory» qoǵamdyq qory elordadaǵy kómekke muqtaj 400 otbasynyń qajettilikterin qanaǵattandyrdy (jalǵyzbasty analar, múgedek balalardy tárbıelep otyrǵan analar, jalǵyz turatyn qarttar). «Taýasar» qoǵamdyq qory Almaty oblysy men Shý qalasyndaǵy 19 emhana men medısına ortalyqtaryn jeke qorǵaný quraldarymen qamtamasyz etti jáne 2 300 adamǵa túski as pen medısına qyzmetkerlerine 500 qorǵanys ekranyn satyp aldy. «Bolashaqqa qadam» qoǵamdyq qory Nur-Sultan qalasynda turatyn esirtki qoldanatyn azamattarǵa 100 azyq-túlik qoraby men aýtrıch-qyzmetkerlerdiń balalaryna 10 kıim jınaqtamasyn jetkizdi, sonymen qatar esirtki qoldanatyn 1 250 adamǵa konsýltasııalyq kómek kórsetti. «QAREKET jaqsylyq jasa» qoǵamdyq qory 600 muqtaj otbasyny qamtydy. Joba aıasynda 100 azyq-túlik qoraby, 3 myń medısınalyq maska, 1 myń medısınalyq qolǵap jetkizildi. 100 dana kóshet pen tuqymdar, 50 jemis aǵashy, 500 broıler balapandary syıǵa berildi. Sonymen qatar 100 kómekke muqtaj kelinshek aspazdyq ónerin meńgerdi. Kómek alǵandardyń barlyǵy Nur-Sultan qalasynda turady. Al «ITeachMe» biliktilikti damytý ortalyǵy» qoǵamdyq qory 120 otbasyna kómek kórsetti. Múgedektigi bar 30 otbasyna 1 maýsym – Halyqaralyq balalardy qorǵaý kúnine oraı syılyqtar taratyldy. 250-ge jýyq azamatqa psıhologııalyq jáne konsýltasııalyq kómek kórsetildi. Barlyǵy Almaty qalasynyń turǵyndary. «Ulttyq eriktiler jelisi» zańdy tulǵalar birlestigi Nur-Sultan qalasynda turatyn 60-tan astam muqtaj otbasy men 7 soǵys ardagerine materıaldyq jáne konsýltasııalyq kómek kórsetti. «Rodnık» áıelder men balalarǵa arnalǵan áleýmettik-psıhologııalyq ońaltý jáne beıimdeý ortalyǵy» qoǵamdyq qory 500-den astam О́zbekstan, Qyrǵyzstan jáne Tájikstan azamattaryna gýmanıtarlyq kómek jetkizdi. Almaty qalasynyń Túrksib aýdandyq «Kópbalaly otbasylar odaǵy» qoǵamdyq birlestigi 266 kópbalaly otbasyna gýmanıtarlyq kómek jáne alǵashqy qajettiliktegi zattar jetkizdi.
Osylaısha, QOLDA shuǵyl kómek baǵdarlamasy tótenshe jaǵdaı men karantın kezinde azamattyq jáne eriktiler uıymdarynyń jumystaryn úılestirý arqyly muqtaj otbasylarǵa, shaǵyn jáne orta bızneske, múmkindigi shekteýli jandarǵa, ardagerlerge, medısına qyzmetkerlerine, áleýmettik jaǵynan qorǵalmaǵan toptarǵa júıeli túrde kómek kórsetti.
