Aımaqtar • 30 Qyrkúıek, 2020

Mańǵystaý medısınasynyń daıyndyǵy pysyqtaldy

26 ret kórsetildi

Mańǵystaý oblysynda koronavırýs ınfeksııasynyń taralýyn boldyrmaý jónindegi is-sharalar josparyn iske asyrý máselelerine arnalǵan jedel shtab otyrysynda oblystyq densaýlyq saqtaý basqarmasynyń basshysy J.Jamanbaeva KVI taralýynyń aldyn alýǵa baılanysty aǵymdaǵy jaǵ­daı jáne medısına qyzmetkerlerin daıarlaý, densaýlyq saq­taý nysandaryn jabdyqtaý boıynsha qabyldanǵan shara­lar týraly baıandady.

Basqarma basshysynyń aıtýynsha, maýsymdyq ınfek­sııalyq syrqat bolǵan jaǵdaıda medısına mamandary men dári-dármek qory jetkilikti jáne naýqastarǵa arnal­ǵan tósektik oryn tolyǵymen daıyn.

– Em-shara júrgizýge 2 myń­ medısına qyzmetkeri ju­myl­­­­­dyrylady. Onyń ishinde dárigerler sany 282 bolsa, orta medısınalyq personal – 600, al kishi medısınalyq personal – 450. Budan bólek 700-den astam basqa da mamandar tartylmaq. Búgingi tańda elimizde halyqty vaksınalaý jumystary belsendi júrgizilýde. Mańǵystaý oblysynda barlyǵy 70 myń adam vaksınalaýdan ótedi. Búginde tumaýǵa qarsy ekpeni 19 393 adam qabyldady, – dedi ol.

Sondaı-aq jıynda jedel járdem qyzmeti, jeke qorǵanys quraldaryn daıyndaý jáne obek­tilerdi ashýǵa daıyndyq boıyn­sha toptardyń jumysy aıtyldy.

Mańǵystaý oblysy boıynsha ókpeni jasandy jeldetý apparattary buryn 95 dana bolsa, qazir 260 danaǵa kóbeıgen. Al ottegi konsentratory sany 30 danadan 564 danaǵa jetken. Medısınalyq uıymdar bıýdjet qarjysyna, demeýshilik jáne gýmanıtarlyq kómek arqyly 2 aıǵa jetetin 825 kóp rettik, 31 234 bir rettik qoldanylatyn kos­tıým, 2 mln dana maska, 29 650 qolǵap jáne basqa jeke qor­ǵanys quraldarymen qam­tyl­ǵan. О́ńir boıynsha 274 dári­hanada shamamen 400 myń dana medısınalyq betperde bar.

Sondaı-aq Mańǵystaý oblysynda tórt kategorııa bo­ıynsha halyqqa medısınalyq qyzmet kórsetetin barlyǵy 198 avtokólik bar, onyń 120-y turǵyndarǵa qyzmet kórsetse, 16-yna jóndeý qajet, al 62 avtokólikti esepten shyǵarý jos­parlanǵan.

Jyl basynan bas­tap de­meýshilik kómekpen 7 avto­kólik (reanımobıl) ob­lys­tyq jedel jáne shuǵyl medısınalyq járdem stansasyna berilgen. Taǵy jyl aıaǵyna deıin av­toparkti qosymsha tolyqtyrý úshin «BRK-Lızıng» arqyly 52 avtokólik ákelinbek.

Jedel járdem qyzmeti bu­ryn táýligine 10 dıspetchermen oblys boıynsha ortasha eseppen 600 qońyraý qa­byldasa, koro­navırýs ın­fek­­sııasynyń ór­shýi kezinde qońyraýlar sany táý­ligine 2 myńǵa jýyq ósip, onyń tek 700-i qabyldandy. Endi demeýshiler kómegimen ATS qurylǵysy aly­nyp, nátı­jesinde 2 myńǵa jýyq qońy­raýdy 15 dıspetchermen óńdeýge múmkindik týmaq. Qazirgi tańda bir táýlikte 7 dıspetcher, 2 kezek­shi dáriger jáne bas dári­ger sha­ma­men 600 qońyraý qabyldap otyr.

Oblys ákiminiń orynbasary N.Aqqulovtyń aıtýynsha, óńirde «Jumyspen qam­týdyń jol kartasy» aıasynda 38 nysannyń qurylysy jáne jóndeý jumystary júrgizilýde. Aqtaý qalasy bo­ıynsha 3 nysanda aǵymdaǵy jóndeý jumystary júrgizilýde jáne ınfeksııalyq aýrýhana salynýda. Oblystyq aýrýhanada jáne balalar aýrýhanasynda jumystar qazan aıynyń 1-inde aıaqtalady. Son­daı-aq ınfeksııalyq aýrý­ha­nanyń qurylysy 65%-ǵa oryndalǵan.

Medısınalyq mekemelerdiń jalpy jaǵdaıy men kúzgi-qysqy daıyndyq jumystary pysyqtalǵan jıynda máseleniń únemi baqylaýda bolatyny aıtyldy.

 

Mańǵystaý oblysy

 

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar