Aımaqtar • 30 Qyrkúıek, 2020

Jaýapty kezeńge jan-jaqty daıyndyq

10 ret kórsetildi

Oblys ákiminiń orynbasary Serik Súleımenov pen qala ákimi Nurlybek Nálibaevtyń basshylyǵymen birqatar sala jetekshileriniń qatysýymen basqosý ótip, onda qalanyń ózekti máseleleri keńinen talqylandy. Ony sheshý joldary saralandy, dep habarlaıdy Egemen.kz.

Jıynda jol, sý, jaryq, jylý, turǵyn úı qurylysy jáne tasymaldaý salasy boıynsha túıtkildi máselelerdiń túıini tarqatyldy.                              Aldymen shahardyń jylý berý maýsymyna daıyndyq jumystary pysyqtaldy. Bıyl maýsym jyldaǵy kestege saı 15 qazannan bastalady dep mejelengen. Búginde ortalyqtandyrylǵan jylý júıesine qosylǵan nysandardyń  90 paıyzy qysqa daıyn. Qalǵan aýmaq jylý qabyldaýǵa 10-qazan kúni tolyǵymen ázir bolmaq. Bul týraly oblystyq energetıka jáne turǵyn úı-kommýnaldyq sharýashylyq basqarmasynyń basshysy Rýslan Nurmaǵanbetov málim etti. Qazir kvartalishilik 7 jylý jelisinde sońǵy jumystar júrgizilip jatyr.

Bul rette oblys ákiminiń orynbasary kún raıy kúrt ózgerip,  birneshe kún qatarynan synap baǵanasy tómendese, qalany jylýmen qamtý erterek bastalýy qajet ekenin basa aıtyp, daıyndyq jumystaryn jedeldetýdi tapsyrdy.

Otyrysta ortaǵa salynǵan kelesi taqyryp jol qurylysy. Bıyl jyl kóleminde respýblıkalyq, oblystyq jáne jergilikti bıýdjet esebinen qala aýmaǵynda 200-den asa kóshe kúrdeli, ortasha jóndeýden ótýde. Halyqtan kelgen aryz-shaǵymdar eskerilip, basymdyq qalaǵa qarasty kent jáne aýyldyq okrýgterge, qalanyń shet aýmaqtaryna berilgen. Qala ákimi Nurlybek Nálibaev bul jumystardyń aldaǵy jyly da qarqyndy túrde jalǵasatynyn aıtyp, jyl aıaǵyna deıin arnaıy joba daıyndalyp, respýblıkaǵa bıýdjettik ótinim beriletinin jetkizdi.

Turǵyn úı qurylysynyń qarqyny men sáýlettik keskini de kún tártibinde qaraldy.   Jalpy bıyl qala kóleminde 345 529 sharshy metr turǵyn paıdalanýǵa beriledi dep josparlanǵan. Qurylystyń negizgi bóligi Syrdarııa ózeniniń sol jaǵalaýynda. 

Keleli jıynda sý júıesi men jaryq jelisine qatysty máseleler de talqyǵa túsip, usynys-pikirler tyńdaldy. Jıyndy qorytyndylaı kele qala ákimi Nurlybek Nálibaev tapsyrmalardyń hattamaǵa sáıkes oblystyq basqarmalarmen birlese atqarylýy qatań baqylaýda bolatynyn jetkizdi.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar