Qoǵam • 30 Qyrkúıek, 2020

33 qazaqstandyq farmkompanııa 922 ataýmen dárilik preparat shyǵarady

12 ret kórsetildi

Premer-Mınıstr Asqar Mamınniń tóraǵalyǵymen ótken Úkimettiń selektorlyq otyrysynda elimizdegi epıdemıologııalyq ahýal qaraldy. Jeke qorǵanysh quraldarynyń, medısınalyq tehnıka men jabdyqtardyń elimizde shyǵarylýy týraly ındýstrııa jáne ınfraqurylymdyq damý mınıstri Beıbit Atamqulov baıandady, dep habarlaıdy Egemen.kz.

Medısınalyq maska shyǵarý 

Otandyq kásiporyndar táýlik saıyn 900 myń maska shyǵarady. Qoımalarda 15 mln maska bar, onyń 10 mln danasyn «SK-Farmasııa» JShS jetkizedi. Kásiporyndar taýardy jóneltýge daıyn. 

Medısınalyq perchatka shyǵarý 

Kún saıyn 330 myń jup perchatka shyǵarylady. Qoımalarda 7 mln astam jup perchatka bar. Aǵymdaǵy jyldyń qarasha aıynda óndiris qýaty táýligine 530 myń jup perchkatkaǵa deıin ulǵaıtylady. Qorǵanysh kostıýmderin shyǵarý  Búginde 6 otandyq kompanııa aıyna 504 myń qorǵanysh kostıýmin shyǵarady. Jyl sońyna deıin olardyń qýaty 1 mln deıin artady.

О́JJ apparattary boıynsha

«Nur-Sultan qalasynyń medısınalyq mekemelerine 129 О́JJ apparaty jetkizildi. О́ndiriste jáne stendtik synaqtarda 1190 О́JJ apparaty bar, olardyń 181 birligi jóneltýge daıyn. Aǵymdaǵy jyldyń 1 qazanynan bastap Almaty jáne Shymkent qalalaryna jetkizý josparlanýda. Qalǵan apparattar 10 qazanǵa deıin Qazaqstannyń 17 óńirindegi 297 aýrýhanaǵa jetkiziledi», —  dedi B. Atamqulov. 

Jedel járdem kóligi boıynsha 

Qazaqstan zaýyttarynda 360 jedel járdem mashınasy shyǵaryldy, onyń 93-i el óńirlerine - Almaty, Nur-Sultan, Soltústik Qazaqstan, Qostanaı oblystaryna jetkizildi. Búginnen bastap qalǵan 264 kólikti jetkizý bastalady. Jalpy, osy baǵdarlama aıasynda 5 qarashaǵa deıin 1 167 birlik sanıtarlyq kólik jetkiziledi.

Jyljymaly medısınalyq keshen boıynsha

Búgingi kúni 12 jyljymaly medısınalyq keshen daıyndaldy. 1 qazannan bastap óńirlerge jetkizý bastalady. 10 birlik kólemindegi alǵashqy partııasy Qostanaı qalasyna barady. Jalpy, óndirýshi osy jyldyń 15 qazanyna deıin barlyq jyljymaly medısınalyq keshenderdi jetkizýdi qamtamasyz etedi.

53 rentgen apparatyn satyp alý boıynsha

«Jergilikti atqarýshy organdar «Aqtóbrentgen» AQ-men 49 birlik rentgen apparatyn óndirýge kelisimshart jasasty. Sondaı-aq, 2 óńirmen taǵy 4 birlikke kelisimshart jasasý jumysy júrgizilýde. Alǵashqy 20 apparat qazan aıynyń basynda Qostanaı jáne Aqtóbe qalalaryna jetkiziledi. Qalǵan apparattardy jetkizý aǵymdaǵy jyldyń 30 qazanyna deıin aıaqtalady», —  dedi ındýstrııa jáne ınfraqurylymdyq damý mınıstri. 

Dári-dármekter boıynsha

Elimizdiń farmasevtıka salasynda 33 kompanııa jylyna 3,9 mlrd dana tabletka men kapsýla kóleminde 922 dárilik preparat shyǵarady. Pandemııanyń ekinshi tolqyny týyndaıtyn bolsa, farmasevtıka salasynyń kásiporyndary dárilik zattardyń qajetti kólemimen qamtamasyz etýge daıyn.

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar