Qoǵam • 30 Qyrkúıek, 2020

4 myńnan astam qazaqstandyq tegin dári-dármekpen qamtamasyz etildi

5 ret kórsetildi

Premer-Mınıstr Asqar Mamınniń tóraǵalyǵymen ótken Úkimettiń selektorlyq otyrysynda elimizdegi epıdemıologııalyq jaǵdaı qaraldy. Respýblıkada dári-dármekpen qamtamasyz etý týraly «SQ-Farmasııa» JShS basqarma tóraǵasy Erhat Esqalıev baıandady, dep habarlaıdy Egemen.kz.

Birinshiden, óńirler pandemııa kezinen bastap 16,6 mlrd teńge somasyna COVID-19 boıynsha DZ qosymsha qajettiligin málimdegen. 2020 jylǵy 22 shildeden bastap Biryńǵaı dıstrıbıýtor QR boıynsha barlyq medısınalyq uıymdarda (ınfeksııalyq jáne provızorlyq ortalyqtar) aılyq qordy qalyptastyrý týraly sheshim qabyldady, ol DZ jáne MI satyp alynǵan qosymsha kólem esebinen jedel tolyqtyrylady. Bul shara medısınalyq uıymdardyń shuǵyl qosymsha qajettiligin jabýǵa, COVID-19 boıynsha dárilik zattarmen stasıonarlardy tolyqtyrýǵa, stasıonarlarda rezervter qurýǵa jol ashty.

Ekinshiden, ambýlatorııalyq deńgeıde preparattar tizbesi keńeıtildi, DZ-nyń 5 ataýyn qamtıtyn COVID-19 nozologııasy engizildi. PTR-test nátıjelerine qaramastan, COVID-19 dıagnozy qoıylǵan, alaıda aýrý jeńil ótip jatqan pasıentter tirkelgen jeri boıynsha óz emhanalarynda emdeýshi dárigerdiń taǵaıyndaýy boıynsha ystyqty tómendetetin dáriler men antıkoagýlıanttar ala alady. TMKKK aıasynda halyqty qamtamasyz etý QR DSM buıryǵy shyqqannan keıin 2020 jylǵy tamyz aıynyń ortasynda bastaldy. Medısınalyq uıymdardyń ótinimine sáıkes shamamen 2 mlrd teńge somasyna 1 mln-ǵa jýyq adamdy qamtý kózdelgen.  2020 jylǵy 29 qyrkúıektegi jaǵdaı boıynsha 4 myńnan astam qazaqstandyq 55 mln teńgege jýyq somaǵa tegin resepttermen qamtamasyz etildi.

«Úshinshiden, maýsymdyq tumaýǵa qarsy vaksınasııa. Biryńǵaı dıstrıbıýtor 2 199 990 doza mólsherinde Reseı, Petrovaks Farm óndirisiniń Grıppol Plıýs saýda ataýymen vaksına satyp aldy. Kólem óńirlerdiń densaýlyq saqtaý basqarmalaryna jóneltildi. Halyqty vaksınasııalaý 2020 jylǵy 15 qyrkúıekten bastaldy», — dep málimdedi Erhat Esqalıev.

Tórtinshiden, COVID-19 boıynsha DZ eki aılyq qoryn qalyptastyrý (tómendetilmeıtin qor). Biryńǵaı dıstrıbıýtor aıyna shamamen 60 000 pasıentti stasıonarlarda emdeý úshin 8,2 mlrd teńge somasyna COVID-19 boıynsha tapshy jáne suranysqa ıe DZ 44 ataýyn satyp alýda. Tómendetilmeıtin Qordyń kólemi KVI ekinshi tolqyny oryn alatyn jaǵdaıda qaýipsizdik «jastyǵyn» qalyptastyrý úshin QR DSM boljamy boıynsha ótinimderden tys satyp alynady. COVID-19 boıynsha DZ eki aılyq qorynyń kólemi Biryńǵaı dıstrıbıýtordyń HAB-tarynda saqtalady. 2020 jylǵy 29 qyrkúıektegi jaǵdaı boıynsha 6 mlrd teńgeden astam somaǵa DZ-nyń 37 ataýy satyp alyndy. Osylaısha, rezervti qurý 2020 jylǵy 28 tamyz ben 15 qazan aralyǵynda josparlanǵan. Besinshiden, bólshek saýda jelisine aralasý úshin medısınalyq úsh qabatty maskalar satyp alý.

«2020 jylǵy 18 qyrkúıekte 8 jetkizýshiden 10 mln medısınalyq maska satyp alyndy, satyp alýǵa josyqsyz qatysýshylardyń tiziliminde bolýyna baılanysty 1 jetkizýshi qabyldanbady. Barlyq jetkizýshilerge 30% avans tólendi. Jaqyn arada “SQ-Farmasııa” JShS habtaryna 2020 jylǵy 10 qazanǵa deıin jetkizý kestege sáıkes júzege asyrylady», — dep atap ótti «SQ-Farmasııa» JShS basqarma tóraǵasy.

Altynshy, bólshek saýda jelisine aralasý úshin dári-dármekterdi satyp alý. №468 Qaýlyǵa sáıkes «SQ-Farmasııa» JShS-ne keıinnen bólshek saýda jelisinde satý úshin DZ-ny kóterme satyp alý boıynsha ókilettikter berilgen. 2020 jylǵy 14 qyrkúıekte Koronavırýs ınfeksııasynyń taralýyna jol bermeý jónindegi VAK oblystardyń, Nur-Sultan, Almaty jáne Shymkent qalalarynyń ákimderine bıylǵy 15 qyrkúıekke deıin belgilengen tártippen bólshek saýdada ótkizý úshin satyp alynatyn dárilik zattarǵa «SQ-Farmasııa» JShS-ne ótinim berý tapsyryldy. О́ńirler BFAQ portalynda 3,1 mlrd teńge somasyna ótinimder berdi. Búgingi tańda barlyq daıyndyq jumystary aıaqtaldy. Satyp alý rásimderi bastaldy. Qor 15.10.2020 j. deıin BD qoımalarda qalyptastyrylady.

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar