Aımaqtar • 30 Qyrkúıek, 2020

Báıterekte órt shyqty

212 ret kórsetildi

Batys Qazaqstan oblysynyń Báıterek aýdanyna qarasty Dostyq kentinde ótken túni birneshe úı, qorajaılar órtenip, mal men qus tirileı órtenip ketti. Tótenshe jaǵdaı departamenti mamandarynyń habarlaýynsha, tilsiz jaýdy qaskóıler tutatqan, dep habarlaıdy Egemen.kz.

30 qyrkúıek kúni túngi saǵat 1-ge taman Dostyq kentinde bir mezette 5 jerden jerden órt shyqqan. Sóıtip, Neftıanıkov kóshesinde 1 úı, 9 tonna shóp otqa oransa, Táýelsizdik kóshesindegi №21/A úıdiń aýmaǵy 120 sharshymetrlik sharýashylyq qurylysy, 1 tonna bıdaıy men 15 tonna shóbi janyp ketti. Pıoner kóshesinde bir páterdiń qorasynyń shatyry janyp, 12,5 tonna shóbi órtendi.

1

Álııa Moldaǵulova kóshesinde de bir otbasynyń 100 sharshymetrlik qorajaıyna ot tıip, 9,6 tonna shóbi joq boldy. О́rttiń joıqyn bolǵany sondaı, osy aýlada turǵan bir bas sıyrdy da qutqarý múmkin bolmapty. Bárinen de kóp zardap shekken – Qurylysshy kóshesindegi qos otbasy. Olardyń 80 sharshymetrlik qorajaıy, 20 tonna mal azyǵymen birge 7 shoshqa, 12 kúrketaýyq, 15 taýyq janyp ketken.

1

-Zardap shekkender joq. О́rt sebebi – qasaqana órt qoıýdan bolǵan. Qazir kináli adamdy izdestirip, shyǵynnyń mólsherin eseptep jatyrmyz, - deıdi Báıterek aýdandyq tótenshe jaǵdaılar bólimi órt sóndirý qyzmetiniń bastyǵy, azamattyq qorǵanys maıory Qaırat Jumaǵalıev.

Bir túnde birneshe otbasyn ábigerge salǵan tosyn órt tańǵy 06.41-de oqshaýlanyp, 08.38-de tolyq sóndirilgen. О́rtti sóndirýge 30 adam jeke quram, 8 avtokólik qatysqan.

 

 

Batys Qazaqstan oblysy

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar