Úkimet • 30 Qyrkúıek, 2020

Aýyl halqynyń 99%-yna ınternet qoljetimdi bolady - Asqar Mamın

14 ret kórsetildi

Premer-Mınıstr Asqar Mamınniń tóraǵalyǵymen ótken Úkimettiń selektorlyq otyrysynda turǵyndardy keń jolaqty ınternetpen qamtamasyz etý máselesi qaraldy, dep habarlaıdy Egemen.kz.

Atqarylyp jatqan jumystar týraly sıfrlyq damý, ınnovasııalar jáne aeroǵarysh ónerkásibi mınıstri B. Mýsın, «Qazaqtelekom» AQ basqarma tóraǵasy Q. Esekeev, «Transtelekom» AQ basqarma tóraǵasy E. Adaıbekov, sondaı-aq «Beeline Kazahstan» bas atqarýshy dırektory E. Nastradın baıandady.

«Sıfrlyq Qazaqstan» memlekettik baǵdarlamasyna sáıkes elimizde aýyldyq eldi mekenderde talshyqty-optıkalyq baılanys jelilerin salý jáne ınternetke mobıldi qoljetimdilikti qamtamasyz etý boıynsha jobalar iske asyrylýda. Qazirgi kezde ınternetke keńjolaqty qoljetimdilikpen 6 459 aýyldyq eldi mekenniń 4 751-i qamtamasyz etildi (aýyl halqynyń 97,8%-y). Osy jyldyń qorytyndysy boıynsha 5,2 myńnan asa aýyl — elimizdegi aýyl halqynyń 99%-y úshin keń jolaqty ınternet qoljetimdi bolady.  

«Internetke keń jolaqty qoljetimdilikti damytý máseleleri elimizdiń damýy úshin strategııalyq mańyzǵa ıe. Aýyldardy keń jolaqty ınternetke qosý jónindegi bıylǵy jylǵa arnalǵan barlyq josparlar merziminde iske asyrylady», — dedi A. Mamın.

Úkimet basshysy ákimdikterge KJQ jobalary boıynsha jabdyqtar ornatý úshin ýchaskeler bólý rásimderin jedel júrgizýdi, sıfrlyq damý mınıstrligine ákimdiktermen birlesip, halyq sany 250 adamnan az aýyldardy sapaly ınternetpen qamtamasyz etýdiń jospar-kestesin ázirleýdi tapsyrdy. Premer-Mınıstr mektep oqýshylary men stýdentterdi qashyqtan oqytýǵa baılanysty óte ózekti bolyp otyrǵan ınternet sapasyn edáýir arttyrýdyń mańyzdylyǵyn atap ótti. Ol úshin tehnıka satyp alynýda, baılanys jáne ınternet qyzmetteriniń sapasyn baqylaýǵa arnalǵan barlyq resýrstar bar.

«Árbir turǵyn úı men uıymda ornalasqan jerine qaramastan, sapaly ınternet pen baılanys bolýy kerek. Sondyqtan naqty talaptardy belgilep, tıisti jabdyqty ornatý máselelerin pysyqtaý qajet. Sıfrlyq damý mınıstrligi ındýstrııa mınıstrligimen birlesip, atalǵan máselelerdi sheshýi kerek», — dedi A. Mamın.

Sıfrlyq damý mınıstrligine bilim mınıstrligimen, «Atameken» UKP-men birlesip, naryqtyń áleýetti qajettiligin eskere otyryp, AT-mamandardy daıarlaý máselelerin pysyqtaý tapsyryldy.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar