Qazaqstan • 30 Qyrkúıek, 2020

Qazaqstan Aýǵanstanǵa gýmanıtarlyq kómek kórsetti

4 ret kórsetildi

Qazaqstannyń Aýǵanstandaǵy elshisi Álimhan Esengeldıev sý tasqynynan zardap shekken Qabyl provınsııasynyń turǵyndaryna qazaqstandyq gýmanıtarlyq kómekti tapsyrý rásimine qatysty, dep habarlaıdy Egemen.kz Syrtqy ister mınıstrliginiń baspasóz qyzmetine silteme jasap.

Mınıstrlik málimetinshe,  un, makaron ónimderi, kúnbaǵys maıy jáne qoıýlatylǵan sútten turatyn azyq-túlik 5 myńnan astam muqtaj otbasyna beriledi.

Is-sharaǵa qatysqan Qabyl provınsııasynyń gýbernatory Mohammad Iаkýb Haıdarı jáne AIR Tótenshe jaǵdaılar jónindegi agenttiginiń tóraǵasy Gýlam Bahaýddın Jılanı Aýǵanstan Úkimeti men halqynyń atynan qıyn kezeńde kórsetilgen kómek pen qoldaý úshin rızashylyqtaryn bildirdi.

Elshi óz kezeginde Qazaqstannyń Aýǵanstanǵa dostas qarym-qatynasyn atap ótti.

Sonymen qatar, elimiz osy kúrdeli jaǵdaıda óńir elderine, sonyń ishinde Aýǵanstanǵa jan-jaqty qoldaý kórsetip otyrǵanyn atap ótti.

Qazaqstandyq gýmanıtarlyq kómek Aýǵanstannyń zardap shekkender arasynda 8 provınsııada taratylǵanyn atap ótken jón. Atalmysh azyq-túlik Qabyldan basqa Balh, Parvan, Pandjsher, Logar, Vardak, Baǵlan jáne Samangan provınsııalarynda taratyldy.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar