"Bizdiń qyzmetkerler teris dinı aǵymnyń ókilin sıntetıkalyq esirtkini satqan kezde qolǵa túsirdi. Biraq bul oǵan taǵylǵan jalǵyz aıyp emes. Tergeý kezinde kúdiktiniń DAISh tobynyń sodyrlaryna qosylýdy josparlap, birneshe ret tanystarymen terrorızmdi nasıhattaýmen aınalysyp kelgeni anyqtaldy. Sot psıhologııalyq-fılologııalyq saraptamasynyń qorytyndysyna sáıkes, teris dinı aǵym ókiliniń málimdemelerinde qarýly jıhad túrinde terrorızmdi nasıhattaýǵa baǵyttalǵan belgiler bolǵan", deıdi oblystyq polısııa departamenti basshysynyń orynbasary, polısııa polkovnıgi Nurhat Orazbaev.
Onyń málimetinshe, sotqa deıingi tergeý kezinde kúdikti kinásin moıyndap, is júrgizý kelisimin jasaýǵa nıet bildirgen.
Sot kúdiktini QR Qylmystyq Kodekstiń eki babymen (Esirtkini saqtaǵany jáne satqany, sondaı-aq telekommýnıkasııalyq jelilerdi paıdalanyp, terrorızmdi nasıhattaǵany úshin) kináli dep taýyp, 6 jylǵa bas bostandyǵynan aıyrdy.
