Aımaqtar • 30 Qyrkúıek, 2020

Qashyqtan oqytý boıynsha Shymkent qalasy respýblıkada kóshbasshylar qatarynda

39 ret kórsetildi

Bul týraly búgin aqparattyq-kommýnıkasııalyq ortalyǵynda ótken brıfıngte Shymkent qalalyq Bilim basqarmasynyń basshysy Janat Tájıeva málimdedi, dep habarlaıdy Egemen.kz.

Shymkent qalasy respýblıka boıynsha mektepterde "Bilim Iand-Onlinemektep.org" ınternet platformasynda qashyqtan oqytýda ekinshi orynda tur. Al QR BǴM tarapynan endirilgen "Kúndelik.kz" elektrondy jýrnaldar aqparattyq júıesinde úzdik úshtikti qorytyndylady. Bul kórsetkish – qyrkúıek aıynyń qorytyndysy. Iаǵnı, Shymkent qalasynda qashyqtan oqytý barysy óz deńgeıinde", dedi J.Tájıeva. 

Sondaı-aq, basqarma basshysy ár aýdan boıynsha muǵalimder men oqýshylardyń belsendiligine toqtalyp ótti. "Bilim Iand-Onlinemektep.org" ınternet platformasynda qashyqtan oqytýda ár aýdan boıynsha mektepterdiń saıtpen jumys isteý nátıjeleri belgili boldy. Aıta keterligi, bul derekterdi ınternet platforma avtomatty túrde kópshilikke usynady.
Atap aıtqanda, búginde Ál-Farabı aýdanynda muǵalimder belsendiligi – 80,9, oqýshylardyń belsendiligi – 85,5 paıyz. Eńbekshi aýdanynda muǵalimderdiń belsendiligi – 78,9, oqýshylar belsendiligi – 81.4 paıyzdy quraıdy.
Abaı aýdany boıynsha ustazdardyń belsendiligi – 73.1, oqýshylardyń belsendiligi – 79.9 paıyz. Qarataý aýdanynda ustazdardyń belsendiligi – 79.3, oqýshylardyń belsendiligi – 81,17 paıyzdy kórsetti.
Basqarma basshysynyń aıtýynsha, búginde qalada 1-4-synyptar aralyǵynda 49 640 oqýshy 3 344 kezekshi synypta, al 174 978 (78%) oqýshy qashyqtan bilim alýda. Qashyqtan bilim berý jaǵdaıynda 224618 oqýshynyń 80 780-inde (36,3%) kompıýterge tapshylyq anyqtalǵan. Bilim uıymdaryndaǵy kompıýterlerdi ýaqytsha berý arqyly birinshi kezekte áleýmettik kómekti qajet etetin 20 150 otbasynyń 35 798 balasy qamtylǵan. Aldaǵy ýaqytta satyp alynatyn kompıýterlik qurylǵylar esebinen 44 982 oqýshy qamtylady. Onyń ishinde 7 109-y – az qamtylǵan otbasy balalary, al BBUDQ sáıkes 37 873-i kompıýterdi qajet etetin otbasy balalaryna beriledi.

Janat Arysbekqyzynyń sózine súıensek, qazirgi tańda qaladaǵy orta bilim berý uıymdary oqýshylaryna taratylǵan kompıýter sany 33 840-ty qurap otyr. Bul kórsetkish osy jyldyń shildesine deıin 9226 bolǵan. Al shilde aıynda 10 975 kompıýter satyp alynǵan. Qyrkúıek aıynyń sońyndaǵy málimetke júginsek, 7438 kompıýter, 2000 noýtbýk jáne 4201 planshet satyp alynǵan.
Aıta keteıik, kompıýterlik tehnıkany satyp alý boıynsha jumystar jalǵasýda.

 

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar