Qoǵam • 30 Qyrkúıek, 2020

Tarıhı qalanyń damýy elimiz úshin mańyzdy – Baýyrjan Baıbek

20 ret kórsetildi

Bul týraly "Nur Otan" partııasy Tóraǵasynyń birinshi orynbasary Baýyrjan Baıbek Instagram-daǵy óz paraqshasynda jazdy, dep habarlaıdy Egemen.kz.

"Kúni keshe Elbasy, "Nur Otan" partııasynyń Tóraǵasy Nursultan Nazarbaev Túrkistan qalasynda bolyp, birqatar jańa nysandardy aralady. Elbasynyń Túrkistan oblysyn quryp, onyń ortalyǵy etip Túrkistan qalasyn belgileýi – tarıhymyzdaǵy aıtýly oqıǵa.

Bul bile bilsek, tutas túrki álemine kórsetilgen qurmet, babalar rýhyna taǵzym. Elbasynyń ózi bir sózinde Túrkistan – túgel túrkiniń basty ordasy ekenin tilge tıek etti. Bul óńirdiń týrıstik áleýetin kóteredi. Sonymen qatar osy jumystardyń barlyǵy – áleýmettik máseleleri shıelenisken, halqy tyǵyz ornalasqan Túrkistan óńirin túletýge jasalyp jatqan úlken qadam.

Túrkistannyń toǵyz joldyń toraby retinde de múmkindigi zor. Kórshiles О́zbekstanmen jasasqan kelisimge oraı Túrkistan, Tashkent, Samarqand, Buhara jáne Horezm oblystaryndaǵy týrıstik oryndarǵa birlesken týrıstik marshrýt ashylmaq. Sonyń nátıjesinde Túrkistan tas jolmen, áýejaımen qamtylǵan, energetıkalyq turǵydan derbes, gaz qubyrlary tartylǵan óńir bolmaq. Osynyń barlyǵy tek qana tarıhqa taǵzym bolyp qana qoımaı, jalpy óńirdiń áleýmettik múmkindikterin ósirýge qolqabys etedi.

Osylaısha, barsha túrkiniń basty ordasy, Qazaq handyǵynyń rýhanı ortalyǵy, ejelgi astanamyz – Túrkistan túlep jatyr. Al, óz aldyna respýblıkalyq mańyzy bar qala mártebesin alǵan Shymkent shahary damýǵa serpin alyp qana qoımaı, ońtústik óńirde taǵy da bir úlken, álemdik dárejedegi ortalyq boı kóterýde. Bul – Elbasynyń eren eńbegi.

Jańa mártebe alǵaly beri kóne qala alyp qurylys alańyna aınaldy. Tarıhı qalanyń keskin-kelbeti adam tanymastaı ózgerip, eńsesi kóterildi. Elbasy sapar barysynda jańa nysandardyń ashylý rásimderine qatysty. Onyń biri – jylyna 3 mln. jolaýshy ótkizýge qabiletti biregeı halyqaralyq áýejaı.

Iri nysandardyń ishinde – 7000 oryndyq "Túrkistan-Arena" stadıony, 1000 oryndyq "Kongress Holl" kópfýnksıonaldy konsert zaly, "Alataý medıa-ortalyǵy", "Uly dala eli", Vızıt ortalyqtary, mýzeıler jáne teatrlar bar. Shahardaǵy barlyq qurylys Iýnesko tarapynan Iаsaýı kesenesine qoıylatyn talaptarǵa saı, ıaǵnı keseneniń eńsesin túsirmeıtindeı etip salynýda.

Jalpy Túrkistan óńiri qazirgi tańda túlep jatyr. Birligi bekem, yntymaǵy jarasqan el. Bul keshegi Arys oqıǵasy kezinde de kórindi. Kóktemde sý basýdan zardap shekken Maqtaaral jaǵdaıynda da baıqaldy.

"Nur Otan" partııasy jarylystan zardap shekken Arys qalasy turǵyndaryna #BizBirgemiz respýblıkalyq aksııasy aıasynda 600 mln. teńgeden astam gýmanıtarlyq kómek kórsetti. Maqtaral aýdanyndaǵy tótenshe jaǵdaı kezinde de, indet órshigen tústa da barynsha qol ushyn sozdy.

Pandemııanyń saldarynan oryn alyp jatqan daǵdarysqa qaramastan, ejelgi qala – Túrkistan qaryshtap damyp jatyr. Bul – bereke-birliktiń arqasy", - dep jazdy B.Baıbek.

Sońǵy jańalyqtar

Koronavırýstan qalaı qorǵanamyz?

Koronavırýs • Búgin, 21:33

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar