Qazaqstan • 30 Qyrkúıek, 2020

Eýroodaq elshileri elordada tal ekti

8 ret kórsetildi

Eýroodaqtyń Qazaqstandaǵy ókildigi Nur-Sultan qalalyq ákimdiginiń qoldaýymen Qazaqstandaǵy EO klımattyq dıplomatııasy jáne #EU4GreenKZ aksııasy aıasynda EKSPO aýmaǵynda aǵash otyrǵyzdy, dep habarlaıdy Egemen.kz.

Dıplomattar EO-ǵa múshe memleketter sanyn bildiretin 27 kóshet, sonyń ishinde 15 kók shyrsha jáne 12 emen aǵashyn otyrǵyzdy. Egilgen aǵashtar - Qazaqstan men Eýroodaq arasyndaǵy dostyq pen «jasyl ekonomıkasy» salasyndaǵy yntymaqtastyqtyń nyshany bolmaq.

"Eýroodaq Qazaqstannyń ornyqty damý jolynda jasaǵan batyl qadamdaryn joǵary baǵalaıdy. 2013 jyly Qazaqstan "jasyl ekonomıkaǵa" kóshý boıynsha jospardy iske qosty. Bul Eýropa men Ortalyq Azııa óńirindegi eń órshil josparlardyń biri. Biz ekijaqty jáne aımaqtyq baǵdarlamamyz arqyly Qazaqstannyń bul jetistikterine úles qosqanymyzdy maqtan tutamyz. Qorshaǵan orta men "jasyl ekonomıka" salasyndaǵy yntymaqtastyq – 2020 jyldyń naýryz aıynda kúshine engen Qazaqstan men EO arasyndaǵy keńeıtilgen áriptestik pen yntymaqtastyq týraly kelisimniń basty baǵyttarynyń biri", dep atap ótti EO-nyń Qazaqstandaǵy elshisi Sven-Olov Karlsson.

Atalǵan sharaǵa – EO elshisi Sven-Olov Karlscon, Germanııa elshisi Tılo Klınner, elimizdiń Ekologııa, geologııa jáne tabıǵı resýrstar mınıstri Maǵzum Myrzaǵalıevpen EO-ǵa múshe Qazaqstanda tirkelgen 21 múshe memlekettiń elshileri men joǵary ókilderi qatysty.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar