Qoǵam • 30 Qyrkúıek, 2020

Qazaqstanda qos azamattyǵy bar 284 adam anyqtaldy

1261 ret kórsetildi

IIM Kóshi-qon qyzmeti basqa memlekettik organdarmen birlesip, jyl basynan beri qos azamattyǵy úshin jaýapkershilikke tartylǵan 284 azamatty anyqtady, dep habarlaıdy Egemen.kz

Keıbireýi azamattyǵynan aıyrylsa da, zań buzýshylyqqa baryp, basqa shet eldiń azamattyǵymen júrgen. Osyǵan oraı zańdy buzǵan 266 adamǵa (277 800 teńgeden 555 teńgege deıin) aıyppul salynyp, qalǵan 18-i qýǵynǵa ushyrady.

Sońǵy eki jylda IIM bastamasymen kóshi-qon salasynda 23 halyqaralyq kelisimge qol qoıylǵan.

Solardyń ishinde beseýi kóshi-qon salasyndaǵy yntymaqtastyqty retteıdi (Ázirbaıjanmen, Belarýspen, Qyrǵyzstanmen, Tájikstanmen, О́zbekstanmen), al on besi adamdardyń readmıssııasy máselelerin qarastyrsa (Belarýspen, Vengrııamen, Germanııamen, Qyrǵyzstanmen, Latvııamen, Lıtvamen, Moldovamen, Norvegııamen, Polshamen, Reseımen, Tájikstanmen, О́zbekstanmen, Chehııamen, Shveısarııamen jáne Benılıýks elderimen), sońǵy úsheýi azamattardyń taraptar aýmaǵynda bolý tártibin aıqyndaıdy (Ázirbaıjanmen, Qyrǵyzstanmen, Tájikstanmen).

Osy kelisimder arqyly zańsyz kóshi-qonǵa qarsy is-qımyl salasynda aqparat almasý tártibi rettelip, kóshi-qon zańnamasyn buzýshylardy basqa elderge berý týraly máseleleri men sheteldikterdiń Qazaqstanda bolý merzimderi sheshimin tapty.

Halyqaralyq kelisimder qos azamattyqty boldyrmaý jónindegi jumysty da jeńildetti. Endi ekinshi taraptyń azamattyǵyn alý týraly málimetterdi qazaqstandyq tarap qysqa merzimde-aq alatyn boldy.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar