Qazaqstan • 30 Qyrkúıek, 2020

Erteń "Nur Otan" partııasynyń praımerızine daýys berý kezeńi bastalady

166 ret kórsetildi

Erteńnen bastap "Nur Otan" partııasynyń praımerızine daýys berý kezeńi bastalady, dep habarlaıdy Egemen.kz "Nur Otan" partııasynyń baspasóz qyzmetine silteme jasap.

Bıyl eldi eleń etkizgen partııaishilik baıqaýdyń aqtyq syny saıasattaǵy jańa juldyzdarǵa jol ashatyny anyq. Irikteýge qatysyp, saıası arenada óz baǵyn synap kórgisi keletin azamattar az emes.

Tamyz aıynda ótken partııanyń Saıası keńesi Bıýrosynyń otyrysynda Elbasy - Nursultan Nazarbaev praımerızdiń barlyq qatysýshylar úshin ádil, ashyq jáne teń jaǵdaıda uıymdastyrylýy kerektigine basa nazar aýdarǵan bolatyn.

"Jurtshylyq eldiń qoǵamdyq jáne saıası ómirine belsene qatysqysy keledi. Biz partııany qaıta jandandyrýdyń durys baǵytyn tańdadyq. Elimizdiń máselelerin birlesip sheshý úshin ashyq dıalogty qamtamasyz etý qajet. Praımerızdiń mindeti – halyqtyq partııalyq tizimderdi qalyptastyrý, qoǵam qoldaýyna ıe, naqty jaǵdaıdy biletin bedeldi kóshbasshylardy, belsendi adamdardy básekelestik negizinde irikteý", dedi partııa kóshbasshysy Nursultan Nazarbaev.

Partııa músheleri ózderi tańdaǵan úmitkerlerine qazannyń 1 men 3 aralyǵynda daýys beretin bolady.

Partııanyń ár múshesi óz saılaý aýmaǵynan dodaǵa túsken úmitkerlerdiń ishinen tańdaǵandarynyń barlyǵyna daýys bere alady, alaıda bir telefon nómirinen bir adam ǵana daýys berý quqyǵyna ıe bolady.

Daýys berý negizinen onlaın formatynda júzege asyrylady, alaıda ınterneti joq azamattar úshin elimizdiń barlyq aımaqtarynda arnaıy jabdyqtalǵan saılaý ýchaskeleri jumys isteıtin bolady.

Onlaın-daýys berý 2020 jyldyń 1 qazanda túngi saǵat 00:00-de bastalyp, 2020 jylǵy 3 qazanda kúndizgi saǵat 14:00-de aıaqtalady. Saılaý ýchaskelerinde daýys berý 2020 jyldyń 3 qazanynda tańǵy saǵat 08:00-den 14:00-ge deıin qoljetimdi bolady.

Partııa músheleri óz tańdaýlaryn tórt túrli jolmen júzege asyrady. Birinshisi - smartfondarǵa arnalǵan mobıldik júkteme, al ekinshisi - primaries.kz veb-portaly arqyly.Internet jelisimen qamtamasyz etilmegen eldi mekenderde turatyn 84 000 astam partııalyqtar arnaıy ýchaskelerge baryp, qaǵaz bıýlleten arqyly daýys beredi, al qalǵan aımaqtardaǵy ýchaskelerdesaılaýshylarǵa onlaın túrde daýys berý úshin ınternet jelisine qosylǵan arnaıy oryndar jabdyqtalatyn bolady.

5-shi qazan kúni praımerız qorytyndysy boıynsha úmitkerlerdiń barlyq derekteri men reıtıngteri partııanyń ınternet-saıtynda jarııalanady.

Elimizde alǵash ret ótkizilip otyrǵan partııaishilik irikteýge 10 000 astam azamat qatysýǵa nıet bildirgen bolatyn.Olardyń ishinde bilim jáne ǵylym, densaýlyq saqtaý, kásipkerlik, mádenıet, sport taǵy basqa salalardyń ókilderi bar. Úmitkerlerdiń 31% bilim jáne ǵylym salasynyń ókilderi quraıdy – bul sala boıynsha eń úlken kórsetkish.

Kandıdattardyń 36,9% áıelder, 29,6% - 35 jasqa deıingi jastar, bul áıeler men jastardyń saıası beslendiliginiń kórsetkishi. Sonymen qatar, dodaǵa qatysýǵa otandastar, erekshe qajettilikteri bar azamattarjáne kóp balaly analar da tirkelgen. 

Úmitkerlerdiń ortasha jasy 43 jasty quraıdy. Eń jasy 19-daǵy Túrkistandyq Aqerke Talǵatbek, eń úlken kandıdat - 83 jastaǵy Shymkent turǵyny Bass Nına.

Bul qoǵamnyń da, partııanyń da saıası ómirdegi jańa ózgeristerge daıyn ekendiginiń kórsetkishi.

"Nur Otan" partııasynyń Qazaqstan Respýblıkasy boıynsha músheleriniń sany 800 000 asady.  

 

 

 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar