Qazaqstan • 30 Qyrkúıek, 2020

Roman Sklıar qus tumaýyna qatysty vedomstvoaralyq komıssııanyń otyrysyn ótkizdi

18 ret kórsetildi

Tótenshe jaǵdaılar mınıstrliginde "Qus tumaýynyń taralý jaǵdaıy týraly" kún tártibimen tótenshe jaǵdaılardyń aldyn alý jáne joıý jónindegi Vedomstvoaralyq memlekettik komıssııanyń otyrysy ótkizildi, dep habarlaıdy Egemen.kz vedomstvonyń baspasóz qyzmetine silteme jasap.

Premer-Mınıstrdiń orynbasary Roman Sklıardyń basshylyǵymen jáne mınıstr Iýrıı Ilınniń tóraǵalyǵymen ótken beıneselektorlyq rejımdegi otyrysqa memlekettik organdardyń basshylary, oblystar, Nur-Sultan, Almaty jáne Shymkent qalalary ákimderiniń orynbasarlary, tótenshe jaǵdaılar departamentteriniń bastyqtary qatysty.

Jetekshilik etetin baǵyttar boıynsha jumys týraly Aýyl sharýashylyǵy, Densaýlyq saqtaý mınıstrlikteri basshylarynyń orynbasarlary sóz sóılep, halyq arasynda qus tumaýyn taratpaý jóninde qabyldanyp jatqan sharalar týraly baıandady.

Sondaı-aq birqatar oblys ákimderiniń orynbasarlarynyń baıandamasy tyńdaldy.

AShM Veterınarlyq baqylaý jáne qadaǵalaý komıtetiniń derekteri boıynsha 9-29 qyrkúıek aralyǵynda 9 oblystyń 47 aýdanynyń jáne respýblıkalyq mańyzy bar 1 qalanyń (Aqmola, Aqtóbe, Jambyl, Qaraǵandy, Qostanaı, Pavlodar, SQO, Qyzylorda, Túrkistan, Shymkent qalalary) 102 eldi mekeninde 576 841 qustyń qyrylý faktisi tirkeldi, onyń ishinde 24 289-y jeke úıde jáne 552 273-i qus fabrıkasynda bolǵan. Veterınarııa jónindegi ulttyq referenttik ortalyqtyń derekteri boıynsha joǵary patogendi qus tumaýynyń kózi jáne tasymaldaýshysy soltústikten ońtústikke ushyp bara jatqan jabaıy qustar. Buǵan qyrylǵan jabaıy qustardy zertteý nátıjeleri dálel. 

Otyrys qorytyndysy boıynsha Premer-Mınıstrdiń orynbasary Roman Sklıar múddeli memlekettik organdarǵa qus tumaýynyń taralý saldaryn barynsha azaıtý boıynsha barlyq aldyn ala sharalardy qabyldaýdy tapsyrdy. Komıssııa otyrysynyń sońynda hattamalyq sheshim qabyldandy.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar