01 Qazan, 2020

Saralanǵan ekologııalyq ınvestorlar úshin tartymdylyqty saqtaýǵa kómektesedi

13 ret kórsetildi

«Atameken» QR UKP Taý-ken jáne metallýrgııa ónerkásibi komıtetiniń  tóraǵasy Nıkolaı Radostoves komıtettiń otyrysynda taý-ken jáne metallýrgııa ónerkásibi úshin salyqtyń ósýine alańdaýshylyq bildirdi. Is-shara «Atameken» QR UKP Tóralqa Tóraǵasy Tımýr Qulybaevtyń qatysýymen ótti.

Salalyq komıtet jetekshisiniń aıtýynsha, BAQ kózderinde salyq bazasynyń artýy týraly aqparattar paıda bola bastaǵan.

 «Salyqtardyń ósýine qatysty túrli qaýeset bar. Resmı túrde bıýdjette salyqtardyń joǵarylýy qarastyrylmaǵan. Alaıda Parlamentke qujattardyń maquldaýǵa jiberilgenin kórip otyrmyz, onda taý-ken jáne metallýrgııa, munaı salasyna korporatıvti tabys salyǵy mólsherin 20-dan 24%-ǵa, QQS 12%-dan 16%-ǵa arttyrý qarastyrylǵan. Iri kásiporyndardyń barlyq jetekshileri mınıstr Dálenovke (QR Ultttyq ekonomıka mınıstri Rýslan Dálenov) hatqa qol qoıdy. Koronavırýsqa qatysty jaǵdaıǵa baılanysty ınvestısııalar tómendedi. Eger biz qazir korporatıvti tabys salyǵy men QQS-ty joǵarylatsaq, onda uzaq merzimdi jobalar men salymdar keleshektigin qalaı esepteımiz?», – dedi  Nıkolaı Radostoves.

 Spıker eger kásiporyndarǵa qalypqa kelýge múmkindik berilse, onda sala somalyq mánde bıýdjetke josparlanǵan salyqtyq ósimnen góri kóbirek paıda ákeletinin aıtty.  

 «Korporatıvti tabys salyǵy men qosylǵan qun salyǵynyń boljamdy artýy jumyspen qamtylý, josparlanǵan jobalardy iske asyrýǵa qalaı áser etetinin baıqaý qajet. Basqa elderde kásiporyndarǵa qarastyrylǵan salyqtyq aýyrtpalyqty zerttep, jeke esepterdi júrgizip kóreıik. Halyqaralyq tájirıbeni: tıimdiligi tómen ken oryndarynda jumys isteıtin kásiporyndar úshin dıfferensıasııalaý qarastyrylǵan ba zertteńizder. Pandemııa saldarynan memlekettik bıýdjet shyǵyndaldy, biraq shyǵyndardy óteýge ulttyq qordan qarajat bólindi. Biz jumys oryndaryn qalpyna keltirip, óndiris deńgeıin daǵdarysqa deıin bolǵan kórsetkishterge jetkizýimiz kerek, osylaısha tóleýge qabilettilikti qalpyna keltirý kerek», – dedi UKP Tóralqa Tóraǵasy Tımýr Qulybaev.

 QR Salyq kodeksine engizilgen ózgerister men tolyqtyrýlar sheńberinde QR Ulttyq ekonomıka mınıstrligi kásipkerlerdiń qyzmetin shekteıtin jáne paıdaly qazbalardy óndirýde salyq salýdy retteýde kómeskilik týdyratyn túzetý engizbek.  Mıneraldy shıkizatty bastapqy óńdeý kezinde óndiristiń túzelgen qaldyqtar kólemin shyǵynǵa jatqyzbaý usynylyp otyr. Búginde naqty óndirilgen kólemderge ǵana salyq salynady, óndirý koeffısıenti rýdalardyń quramyna baılanysty 15-16% mólsherinde qubylady. Atalǵan túzetý engizilgen soń búkil qorǵa salyq salynatyn bolady, óıtkeni tehnogendi-mıneraldy obekt bastapqyǵa jatady.

 2020 jylǵa qaraı Komıtet kásipkerlermen birge altyn, kómir jáne geologııalyq salany damytý boıynsha sharalardy ázirledi (Ulttyq Bank tarapynan tazartylǵan altyndy satyp alýǵa monopolııany alyp tastaý). Osy rette QR Indýstrııa jáne ınfraqurylymdyq mınıstrligi kómir baǵasyna memlekettik retteýdi engizýdi usyndy.

 «Mine qyzyq, álemde esh jerde baǵa rettelmeıdi. Shara naryqtyń qysqarýyna ákep soǵýy múmkin, onyń ústine kómir eksporty da aıtarlyqtaı tómendegen. Budan bólek, UKP-men birlesip geologııalyq barlaý salasyn qoldaý boıynsha usynystar ázirledik. Jer qoınaýy jáne jer qoınaýyn paıdalaný týraly kodeks qabyldanǵan soń belsendilik oryn alǵan joq. Investor kelip, barlyq qujattardy ótkizetin, keıin ony barlyq múddeli memlekettik organdarmen keliskennen soń sıfrlyq formatta 1-2 aıda ala alatyn bir tereze qajet dep sanaımyz», – dep atap ótti UKP salalyq komıtetiniń jetekshisi.

 Tımýr Qulybaev kodeksti qabyldaý kezinde memlekettik organ progressıvti avstralııalyq damý modelin nazarǵa alǵanyn atap ótti.

 «Bul máseleni Taý-ken metallýrgııa komıteti jáne Munaı-gaz ónerkásibi komıtetiniń otyrysyna shyǵaraıyq. Bıznes ahýal ınvestorlarǵa tartýdy bolýy úshin kóp kúsh-jigerdi talap etetinin túsinemin. Ol úshin sot júıesinen bastap ózgerister qajet. Úsh jyl – kodeks jáne qabyldanǵan sharalardyń tıimdiligin túsiný úshin jetkilikti merzim. Talqylaımyz», – dedi Ulttyq palata basshysy.

 Jer qoınaýyn paıdalanýshylar úshin 2020 jyldyń sońynda Ekologııalyq kodekstiń qabyldaýy mańyzdy. Nıkolaı Radostoves Ekologııalyq kodeks jobasy Salyq kodeksinen bólek, QR Ulttyq ekonomıka mınıstrligi jáne QR Qarjy mınıstriliginiń qatysýynsyz qaralyp jatqanyn aıtty.

 «Biz prınsıptik máseleler boıynsha kelisimge kelmedik. Mysaly, anyqtamalyqtar erekshelikterdi eskere otyryp, eýropalyq standartar boıynsha jazylady. Atalǵan túzetý alynyp tastaldy. Shamamen 15 prınsıptik usynys qabyldanbady, óıtkeni qujatty qabyldaý jedel rejımde júrgizilýde. «Atameken» usynylatyn ınvestısııalardyń kásiporyndardyń ekologııalyq jańarýyna olardyń ekonomıkalyq kórsetkishterine áserin salystyrmaly baǵalaýdy júrgizdi. Baǵalaý reseılik anyqtamalyqtar negizinde 26 iri kompanııaǵa tórt sala: taý-ken jáne metallýrgııa, munaı óndirý, energetıka jáne munaı óńdeý boıynsha júrgizildi. Investısııalar somasy 4-ten 16 trln teńgege deıin jetýi múmkin! Keshendik ekologııalyq ruqsatqa ótý kezinde emıssııa úshin tólem stavkalaryn alyp tastaýǵa qatysty ázirleýshiniń bastamasyn qoldaımyz. Bul shara kompanııalarǵa olardy eń jaqsy qol jetimdi tehnologııalardy engizýde maqsatty paıdalaný úshin qoldanýǵa múmkindik beredi», – dedi Nıkolaı Radostoves.

Qosymsha yntalandyrý sharalaryn berýde qarjylyq kórsetkishter:

 Emıssııa úshin tólemdi alyp tastaý ary qaraı eń jaqsy qol jetimdi tehnologııalarǵa ótýmen keshendi ekologııalyq ruqsattardy engizý kezinde múmkin. Olardy qoldanbaý jaǵdaıynda emıssııalyq alymdar úshin salyq stavkalarynyń birtindep ósýi 8 esege artýy múmkin. Birinshi kezekte eń jaqsy qol jetimdi tehnologııalardy engizý energetıkalyq kompanııalarǵa qatysty bolady, onda elektr energııasyna qoldanystaǵy tarıf kásiporyndardy modernızasııalaýǵa múmkindik bermeıdi. Eń jaqsy qol jetimdi tehnologııalardy engizýge ınvestısııalar tarıfterdi joǵarylatý nemese bıýdjettik qarajat esebinen sýbsıdııalaý arqyly múmkin.

 «Jan-jaqty oılastyrylǵan sheshim kerek. Biz túrli elderdiń tájirıbesi týraly aıtyp jatyrmyz, onda ekologııalyq talaptar joǵary, al shyǵandardy óteý halyqqa arnalǵan joǵary tarıfter esebinen júrgiziledi. Tóleýge qabilettiliktiń tómen deńgeıimen joǵary standarttardy quryp, ekonomıkany ósire alamyz ba? Talqylap, esepteýlerdi egjeı-tegjeıli zertteý kerek. Máseleni mınıstrliktermen birge taǵy qarap, barlyq taraptardy tyńdap, shoǵyrlanǵan sheshimge kelýdi usynamyn», – dep qorytyndylady Tımýr Qulybaev.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar