Arasynda qalanyń qurmetti azamattary, mádenıet salasynyń ardagerleri bar 145 qarııany qalalyq mádenıet bóliminiń qyzmetkerleri quttyqtap, syı-sııapattaryn tartý etip, izgi tilekterin bildirýde.
–Toqsanǵa tolǵan jasymda eńbegime saı az qurmet kórgen joqpyn,–deıdi Kókshetaý qalasynyń qurmetti azamaty, aqyn Shámshııa Aıtjanova,–halqymyzda «atańa ne qylsań, aldyńa sol keledi» deıtin ataly sóz bar. Egdesin eskerip, qartyn qadirlegen qoǵamnyń izgiligi bizdiń júregimizdi jylytyp, qýat bere túsedi.
Mereke qarsańynda júzden asa is-sharalar uıymdastyrylady. Karantın talaptaryna saı barlyq shara onlaın túrinde ótkiziledi. Qalalyq mádenıet jáne tilderdi damytý bóliminiń basshysy Aıgúl Sábıtovanyń aıtýyna qaraǵanda, izetti sharýa búginnen bastalmaq. Oblys ortalyǵynda 27 myńnan astam zeınetker turady eken. Olardyń árqaısysy qurmetke bólenbek.
Kókshetaý qalasy.
