Oblystyq Energetıka jáne turǵyn úı-kommýnaldyq sharýashylyq basqarmasynyń málimeti boıynsha Taldyqorǵan qalasynyń jylý júıeleri men jelileri jylytý maýsymyna 100 % daıyn.
О́ńir basshysynyń tapsyrmasyna sáıkes jylý birinshi kezekte áleýmettik nysandarǵa beriledi. Balabaqshalar, mektepter men densaýlyq saqtaý mekemelerine jylý 30 qyrkúıekten bastap berile bastady. Búgin osy atalǵan jumystar tolyǵymen aıaqtalýy tıis. Al turǵyn úılerge jylý erteńnen bastap berile bastaıdy.
Jalpy Taldyqorǵanda ortalyq jylytý júıesine qosylǵan 82 bıýdjettik mekeme men 753 kópqabatty turǵyn úı bar. Oblys boıynsha bıylǵy jylytý maýsymyna daıyndyq jumystaryna bıýdjetten 15,9 mlrd teńge qarastyrylǵan.
Aıta keteıik, Almaty oblysynda jylytý maýsymy jyl saıyn 15 qazannan bastalatyn.
