О́ıtkeni atalǵan óńir munaı-gaz sekildi strategııalyq shıkizat kózderinen qashyq ornalasqan munda budan ózge óndiris oryndary da joqtyń qasy. Mundaı jaǵdaıda jańa jol salý jumystaryna jumsalatyn qomaqty qarajat qarjylyq-ekonomıkalyq turǵydan keıin ózin-ózi aqtamaıtyny belgili. Soǵan qaramastan jerdiń shetinde, jeldiń ótinde otyrǵan óńirde asfalt jol tóselgeni –jergilikti turǵyndardyń áleýmettik-turmystyq jaı-kúıin odan ári kóterý maqsatynda jasalǵan jasampaz joba deýge ábden bolady.
Osylaısha shalǵaı aýdan turǵyndaryn 340 shaqyrym qashyqtyqtaǵy oblys ortalyǵyna 3-4 saǵattyń ishinde jetýine múmkindik týyp otyr. Uzaq shaqyrymdardy quraıtyn jańa trassa jol boıy servısi nysandaryn turǵyzýǵa da alǵyshart qalaı alady. Adam jaqsyǵa tez beıimdelip, tez boı úıretedi ǵoı. Sondyqtan da shyǵar, osy aralyqtaǵy Saryqudyqtyńsaz balshyǵy atalǵan tus jol kólikterin tusaýlap júrgizbeı tastaıtyny umytylyp barady. Sonymen birge bul Aqjaıyq aımaǵynyń ońtústik aýdandaryn oblys ortalyǵymen jalǵaıtyn nazardaǵy nysan ekenin de aıtýǵa tıispiz. Buǵan Kaztalov aýdanyna qosa oblys ortalyǵynan 500 jáne 600 shaqyrym bolatyn Jánibek jáne Bókeıordasy aýdandary da qosylady. QR Tuńǵysh Prezıdenti – Elbasy Nursultan Nazarbaev budan eki jyl buryn Batys Qazaqstan oblysyna kelgen saparynda respýblıkamyzdaǵy qasterli de tarıhı óńirderdiń biri Bókeı topyraǵyna deıin avtojol tóseý isin Úkimetke shegelep tapsyrǵany belgili. Túpteı kelgende osy baǵyttaǵy jol qurylysynyń eleýli bóliginiń tolyqtaı aıaqtalýy Elbasy tapsyrmasynyń aıaqsyz qalmaǵany dep túsinsek shyndyqtan alshaq kete qoımaspyz. Sondaı-aq búgingi kúni Kaztalov-Jánibek-Reseı Federasııasy men О́nege-Bısen-Saıhyn (Bókeıordasy aýdanynyń ortalyǵy) avtojoldaryna kúrdeli jóndeý jumystaryn júrgizý odan ári jalǵasyp kele jatqany da aldyńǵy pikirimizdiń aıǵaǵy.
Týrasyn aıtqanda táýelsizdiktiń alǵashqy jyldary men 2000 jyldarǵa deıini kezeńde Oral óńirinde aýdandardy oblys ortalyǵymen jalǵaıtyn qatqyl tabandy jol bes saýsaqtyń sanyna da jetpeıtin. Al búgingi áńgimemizge tıek bolǵan Chapaev-Jalpaqtal-Kaztalov-Jánibek aralyǵyndaǵy avtojol jobasy qurylysy sol bir jyldary besiginde tunshyǵyp jatqandaı edi.
Osy bir kezeń aralyǵynda gazetimizdiń birinshi betinde Úkimet nazaryna degen aıdarmen atalǵan aralyqtaǵy jol qurylysyna jan bitirý kerektigi jóninde saraptamalyq materıal jarııalanǵany da umytyla qoıǵan joq. Qalaı degende de qazirgi kezde bul joba jalǵasyn taýyp, Kaztalov aýdany ortalyǵyna deıin asfalt tartylǵany. Ári budan keıingi jol qurylysy Jánibekke qaraı baǵyttalyp otyrǵany súıinishti jáıt, atap aıtýǵa turarlyq is dep bilemiz.
