Qazirgi ýaqytta barlyǵy 102 myńnan astam turǵyn alapqa aralaý júrgizildi.
"Saryarqa aýdanynda aýlalardy aralaý kezinde sómkesindegi 2 mıllıon 200 myń teńgesin joǵaltqan áıel ýchaskelik ınspektorǵa júgindi. Ýchaskelik polısııa ınspektorlary – aǵa leıtenant Oralhan Abıtov pen aǵa leıtenant Kenjebaı Musaevtyń jedel jumysynyń arqasynda shaǵym ıesiniń burynǵy jubaıy qamaýǵa alynyp, aqshany alǵanyn moıyndady", – dep atap ótti polısııa departamentinde.
Sondaı-aq aýdandyq basqarmalardyń ýchaskelik ınspektorlary azamattyq qarý ıelerin tekserdi. Tekserilgen 3464 adamnyń 54-inde ártúrli buzýshylyqtar anyqtaldy.
Sonymen qatar turǵyndarmen jáne turǵyn úı men múlik ıeleri birlestikteriniń qyzmet kórsetý uıymdary tóraǵalarymen esep berý kezdesýleri únemi ótkizilip turady. Jedel aldyn alý sharasy bastalǵannan beri 95 kezdesý uıymdastyryldy. Sondaı-aq kásipkerlik nysandarynda karantın tártibiniń saqtalýyn tekserý boıynsha reıdter jalǵasýda.
