О́ńir turǵyndarynyń aryz-shaǵymy negizinde júrgizilgen monıtorıng jumystary barysynda Túrkistan qalasyna qarasty O.Dastanov, I.Nakıpov, Jibek joly – Shekti tileý, Maıkótov kósheleriniń jol sapasy men qaýipsizdigi baqylanyp, jyljymaly jol zerthanalyq kóligi arqyly jańadan tóselgen asfalt beton jamylǵysynan kesindi synamalar alǵan. Bir kúndik baqylaý jumystarynyń nátıjesinde oblys ortalyǵynda ornalasqan Jibek joly – Shekti tileý men Maıkótov kósheleriniń asfalt beton jamylǵysynda birqatar kemshilikter, atap aıtsaq joldyń tegissizdigi men jol boıynda ornatylǵan bordıýrlerdiń buzylýy, jaıaý júrginshilerdiń joldary men sý aǵarlardyń otyrýy, oıyq shuńqyrlar men jol tóseliminiń shashylý derekteri belgili boldy.
Sondaı-aq arnaıy jumysshy top ókilderi «Úshqaıyq» aýyldyq okrýginiń boıynda ornalasqan oblystyq mańyzy bar joldardyń tóselý barysyn baqylap, turǵyndardyń aryzdary negizinde qaıta qalpyna keltirilgen jol tóseliminiń smetalyq qujatqa sáıkes ekendigin anyqtady. Jańa salynǵan joldardan birqatar aqaýlar baıqaǵan sala mamandary anyqtalǵan kemshilikter boıynsha merdiger mekemelerge akt túzip, kompanııa basshylaryna qaıta jóndeýden ótkizý boıynsha usynystaryn bildirdi.
