Jambyl jerine ınvestısııa salady

Atalǵan jobalar 2020-2025 jyldar aralyǵynda iske asyrylady. Olardyń qatarynda hımııa ónerkásibi, agroónerkásip kesheni, metallýrgııa, farmasevtıka, mashına jasaý salalaryndaǵy jobalar bar. Sondaı-aq búgingi tańda túrik jáne nemis ınvestorlary da Jambyl jerine qyzyǵýshylyq tanytyp otyr. Olar bul maqsatta óńir qazynasyna ınvestısııa salýǵa nıetti. Eger jobalar júzege asqan jaǵdaıda jergilikti turǵyndar jumyspen qamtylyp, óńirdiń ekonomıkalyq áleýeti artatyn bolady. Degenmen búginde aımaqta jumys istep jatqan alyp kompanııalar da bar.

Máselen, túrikterdiń «Yil­dirim Holding» kompanııasy Sary­sý aýdanynda kalsıı­len­di­rilgen soda óndiretin zaýyt salýdy jos­parlaýda. Jýyrda ǵana oblys ákimi Berdibek Saparbaev atalǵan kompanııanyń ókilderimen kezdesip, zaýyt salý jobasyn talqylaǵan bolatyn. «Yildirim Holding» kompanııasynyń bas dırektory Ismaıl Djeılannyń aıtýynsha, zaýyt qurylysy kelesi jyly bastalady. Alyp nysannyń jyldyq jobalyq qýaty 400 myń tonnany quraıdy. Bolashaqta bul kórsetkish jylyna 1,2 mln tonnaǵa deıin artady dep josparlanǵan. Ol nysan qurylysyna 325 mln dollar ınvestısııalanatynyn jetkizdi. Al onyń qurylys-montajdaý jumystary kelesi jyly bas­talyp, oǵan 1500-den astam adam tartylady. Joba 2023 jy­ly paıdalanýǵa beriletin bola­dy. Ol iske qosylǵannan keıin bıýdjetke jyl saıyn 8 mln dollar mólsherindegi salyq túsimi túsedi dep kútilýde. Onda 250 adam turaqty jumyspen qam­tylady. Kásipkerdiń aıtýyn­sha, kásiporyn jumysyna jergilikti mamandar da tartylady. Sondaı-aq I.Djeılan ónimderi Qazaqstanda ǵana emes, álemdik naryqta da suranysqa ıe bolatynyn aıtty. Túrikter ashqaly otyrǵan zamanaýı óndiris oryny tolyǵymen qaldyqsyz júıede jumys istep, qaldyqtar qaıta óńdeletin bolady.

Búginde Jambyl oblysyn­da Germanııa memleketiniń de eki kompanııasy jumys isteıdi. Ne­misterdiń óńirdegi iri joba­lary­nyń biri «Monterro Qazaqstan» JShS qymbat metaldardy ón­dirýmen aınalysady. Salynǵan ınvestısııa kólemi 600 mln eýrony quraıdy. Atalǵan kom­panııa oblys aýmaǵynda 2014 jyldan bastap iske qosylǵan. Son­daı-aq óńirde bıogaz qondyr­ǵylarymen aınalysatyn taǵy bir germanııalyq kompanııa bar. Aldaǵy ýaqytta germanııalyq alpaýyt kásiporyndar óńirge taǵy da ınvestısııa salýǵa nıetti. Ásirese olar aýyl sharýashylyǵy salasyndaǵy yntymaqtastyqty arttyrý máselesin qolǵa alý­da. Bul oraıda, oblys ákimi B.Saparbaev Germanııa Federa­tıv­tik Respýblıkasynyń Almaty qalasyndaǵy Bas konsýly Krıs­tıana Markertpen kezdesken bo­latyn. Al ekonomıkalyq árip­testikti damytý maqsatynda kelesi jyldyń naýryz-sáýir aı­la­rynda Germanııa Bas konsýl­dy­ǵynyń ekonomıkalyq delegasııasy Jambyl oblysyna kelýdi josparlapty. Al búgingi tańda Bavarııanyń delegasııasy óńirdiń aýyl sharýashylyǵy salasyna basymdyq berip otyrsa, óz kezeginde oblys ákimdigi ne­mis ká­sip­ker­lerimen balamaly ener­gııa kózderi salasynda áriptes­tik ornatýǵa múddeli bolyp otyr.

Búginde oblysqa túrikter men nemisterdiń tarapynan túsip jatqan usynys kóp. Biraq joba qalaı júzege asady, josparlanǵan qýattylyǵyna shyǵa ala ma, ol jaǵy ýaqyttyń enshisinde. Máse­len, Moıynqum, Merki, Shý, Jýaly jáne ózge de aýdandar­da kezinde ashylyp, búginde ja­byq turǵan kásiporyndar kóp. Alaıda aıtylǵan jobalar shynymen júzege asyp, josparlar oryndalǵan jaǵdaıda Sarysý aýdany kalsıılendirilgen soda óndirý jaǵynan ózgelermen báse­keles bolýy da múmkin. Biraq bul ázirge boljam ǵana. Sol sııaq­ty, Jambyl oblysynda qara­sora óńdeıtin zaýyt salýǵa da ózge ınvestorlar nıetti. Búgin­de oblys aýmaǵynda 100 myń gek­tar­dan astam kólemde jabaıy qa­rasora bar. Álemdik tájirı­be boıynsha, qazirgi kezde kan­nabısti medısınalyq maqsat­ta zertteý jáne paıdalaný qar­qyn alýda. Endi óńirde basqa mem­leketterdiń tıimdi tájirıbesin negizge ala otyryp, kannabısti dárilik maqsattarda paıdalanýǵa múmkindik beretin qaýipsiz jáne tıimdi júıe qurylatyn bol­dy. Máselen, «Zhana Zhol Holding limited» JShS dırektory Aleksandr Kım oblys aýma­ǵynda medısınalyq kannabıs ósirý men óndirý boıynsha joba­syn usynǵan. Eger bul da júzege asqan jaǵdaıda, óńirdiń ekono­mıkalyq qýatyn jańa óriske shyǵaratyn joba bolmaq.

Jambyl oblysy