Syrtqy ister mınıstri Muhtar Tileýberdi Horasis táýelsiz taldaý ortalyǵynyń joǵary deńgeıdegi beınekonferensııasyna qatysty.
BUU 75 jyldyǵyna arnalǵan is-sharada Armenııa Prezıdenti Armen Sarkısıan jáne BUU Bas hatshysynyń BUU 75 jyldyǵyn merekeleýge daıyndyq jónindegi Arnaıy keńesshisi Fabrısıo Hohshıld sóz sóıledi.
Talqylaýdyń negizgi taqyryby koronavırýs pandemııasyn jáne basqa da jahandyq syn-qaterlerdi jeńý jolyndaǵy halyqaralyq qoǵamdastyqtyń kópjaqty kúsh-jigeriniń róli boldy. Qatysýshylar BUU osy prosesti úılestirýde jetekshi ról atqarýy kerek degen pikirge keldi.
Prezıdent Qasym-Jomart Toqaev BUU 75-shi sessııanyń jalpy saıası pikirtalastarynda atap ótkendeı, BUU pandemııa saldaryn eńserý, ekonomıkalyq qalpyna keltirýdi jedeldetý jáne jahandyq basqarýdy jaqsartý boıynsha halyqaralyq kúsh-jigerdi úılestirýi tıis. Forým Horasis Visions qaýymdastyǵynyń joǵary laýazymdy múshelerin biriktirdi jáne 20-dan astam plenarlyq otyrys pen paneldik pikirtalastardy qamtıdy. BUU Bas hatshysy Antonıý Gýterrısh is-sharada sóz sóıledi. Horasis ortalyǵy 2005 jyly yntymaqtastyq pen bilim almasý úshin ásirese damyǵan elder men damýshy naryqtar arasynda jańa platformalar qurý arqyly "ornyqty bolashaq maqsattaryn júzege asyrý" maqsatynda quryldy.
