О́ńir basshysy Ábilqaıyr Sqaqov pedagogtardy kele jatqan Muǵalimder kúnimen quttyqtady.
"Sizderge zor densaýlyq, tolaıym tabystar men sarqylmas kúsh-qýat tileımin. Kúsh pen shydamdylyq barlyǵyńyzǵa osy jyly asa qajet boldy. Sizder oqytýdyń jańa formatyna tez jáne kásibı túrde beıimdele aldyńyzdar. Kezekti ret ózderińizdiń bilim men tárbıe berýge umtylatyndaryńyzdy kórsettińizder. Bilimdi ult tárbıeleý – bizdiń ortaq mindetimiz", dedi oblys ákimi.
Oblys ákimi óskeleń urpaqtyń basty mindeti – sapaly, damyǵan, ıkemdi daǵdylarǵa ıe bolý ekenin atap ótti.
"Iаǵnı, siz ben biz balalardy taldaýǵa, durys qorytyndy jasaýǵa, naqty sheshim qabyldaýǵa úıretýimiz kerek. Bul zamanaýı álemdegi árbir bala men bolashaq urpaqta bolýy kerek, qazirgi kezde óte qajet daǵdylar. Meniń oıymsha, bul oqý prosesinde mekteptiń mańyzdylyǵyn joqqa shyǵarýǵa bolmaıdy. Mektepke deıingi, orta jáne qosymsha bilim qanshalyqty kúshti bolsa, soǵurlym bala jan-jaqty damyǵan tulǵa bolyp ósedi", dep sanaıdy Ábilqaıyr Sqaqov.
Eske salaıyq, bıyl Pavlodar oblysy ákimdigi tarıhta alǵash ret "Pavlodar oblysynyń bilim berý júıesin damytýǵa qosqan úlesi úshin" tósbelgisin taǵaıyndady. Tósbelgi Ertis óńiriniń 15 úzdik muǵalimine tabystaldy. Ár marapat 1000 AEK mólsherindegi syıaqymen qamtamasyz etilgen. Bul shamamen 2,7 mıllıon teńgeni quraıdy. Jyl sońyna deıin taǵy 35 muǵalim dál osyndaı tósbelgige ıe bolady.
-Múmkin bireý qarapaıymdylyǵyn kórsetip, óz jumysyn baıqaýǵa jibermegen shyǵar. Men muǵalimder kóbine qarapaıym, eńbekqor, balalarǵa da, eresekterge de qurmetpen qaraıtyn adamdar ekenin bilemin. Oqýshylaryńyz óz jetistikterimen qýantý úshin sizder odan ári shyǵarmashyl, nátıjege basa nazar aýdaratyn ustazdarǵa aınalýlaryńyz mańyzdy. Meniń oıymsha, bul – Pavlodar oblysynda paıda bolǵan ıgi dástúrdiń bastamasy. Bul bastama Qazaqstanda alǵashqylardyń biri bolyp tabylady. Bul isimizdi basqa aımaqtar alyp ketýi ábden múmkin.
Sondaı-aq mereke qarsańynda muǵalimder QR Bilim jáne ǵylym mınıstrliginiń marapattaryna ıe boldy: "Bilim berý isiniń qurmetti qyzmetkeri" tósbelgisi jáne "Y.Altynsarın atyndaǵy tósbelgi".
Sonymen qatar, oblystyq "Jyl muǵalimi" jáne "Jyl tárbıeshisi" baıqaýlarynyń jeńimpazdary marapattaldy.
