"Eki aıdyń ishinde 300 tósek-orynǵa arnalǵan, sonyń 30-y reanımasııalyq, ekinshi modýldi juqpaly aýrýlar gospıtali salyndy. Barlyq tósekter medısınalyq gazben jabdyqtalǵan. Emdelýshilerdiń hali gospıtaldegi avtomattandyrylǵan "aqyldy" júıe arqyly naqty ýaqyt rejiminde táýlik boıy qadaǵalanady", deıdi qala ákimi B.Saǵyntaev.
Baqytjan Saǵyntaevtyń aıtýynsha, klınıkanyń KT, rentgen, ÝDZ-apparattary men jeke zerthanasy bar. Munda PTR dıagnostıkany qosa alǵanda zertteýlerdiń barlyq túrleri júrgiziletini týraly bólise ketti.
Sondaı-aq ol emhanadaǵy blokty aımaqtardyń bolýy, jedel járdem kólikterin dezınfeksııalaý, aǵyndy sýlardy zalalsyzdandyrý men medısınalyq qaldyqtardy kádege jaratý syndy tehnologııalyq sheshimder aýrýhananyń sanıtarlyq ári ekologııalyq qaýipsizdiginiń joǵary deńgeıde ekenin atap ótti.
