Aımaqtar • 02 Qazan, 2020

Almatyda polıseı janyp jatqan úıden zeınetkerdi alyp shyqty

212 ret

kórsetildi

3 mın

oqý úshin

Almatyda polısııa qyzmetkeri janyp jatqan úıge kirip, zeınetkerdi alyp shyqty. Alaıda úıdegi eki adam qaıtys boldy, - dep habarlaıdy Egemen.kz Polisia.kz saıtyna silteme jasap.

Jibek AǴDARI

Almatyda polıseı janyp jatqan úıden zeınetkerdi alyp shyqty

Búgin túngi úshter shamasynda órt boldy. Qatty órt Lazarev kóshesindegi jeke úıdi sharpydy. Sonymen qatar, ol úıdiń aýlasynda turaqta turǵan kólikti joq qylyp jiberdi. О́rt kezinde úıde adamdar bolǵan. Birinshi bolyp kórshiler dabyl qaqty.

"Biz oıandyq, órt bolyp jatyr eken. Polısııa qyzmetkeri qaqpany qaǵyp, bárimizdi oıatty. Biz onymen birge aýlany aınalyp júgirdik. Kórshilerge barýǵa tyrysty, olardyń terezelerin de syndyrdy. Er adamdy alyp shyqty. Qalǵanyn, ókinishke qaraı, alyp shyǵa almady. Sebebi búkil úıdi órt jaýlady", deıdi jergilikti turǵyn, oqıǵanyń kýágeri.

Jaqyn mańdaǵy úıdiń turǵyny túnde daýystar otshashýlar sııaqty shyqqanyn jáne oıanyp ketkenin aıtady.

"Terezege qarasam, órt shyqty. Men júgirip shyqtym, kórshilerimiz órtenip jatyr dep oıladym. Sińilimdi oıatyp, jolǵa qaraı shyǵyp kettim. Qarasam, polısııa kóligi tur. Shamasy, endi ǵana kelgen. Ol kezde adamdar kóp bolǵan joq. Polıseı qutqarýǵa júgirdi. Ol otqa oranǵan úıge júgirip kirip, sol jaqtaǵy atany qutqardy", deıdi ol.

Qart kisini qutqarǵan polıseı sol ýaqytta aýdandyq ishki ister basqarmasyna kele jatqanyn aıtty.

"Men aýdandyq ishki ister basqarmasyna kele jatqanmyn. Lazarev kóshesimen kele jatyp, 79-úıdiń shatyrynyń astynan jalyn shyǵyp jatqanyn kórdim. Aldymen jaqyn mańdaǵy úılerdiń turǵyndaryn oıatyp, olardy toptastyryp, qaýipsiz qashyqtyqta turýlaryn suradym. Kórshisiniń aýlasy arqyly janyp turǵan úıdiń aýlasyna kirdim. Úıdiń terezesin syndyryp, sol tereze arqyly atany shyǵaryp aldym. Men ony "jedel járdem" qyzmetkerlerine tapsyrdym. О́rt tolyq oqshaýlanǵanǵa deıin ózim sol jerde boldym", dedi Áýezov aýdandyq Polısııa basqarmasynyń ýchaskelik ınspektory Bektemir Qaýynbaev.

О́rt kezinde, úıde 71 jastaǵy er adam, onyń 33 jastaǵy ógeı balasy jáne 15 jastaǵy nemeresi bolǵany anyqtaldy. О́kinishke qaraı, jasóspirim men onyń aǵasy qaıtys boldy. Zeınetkerdiń ómirine qaýip tónip turǵan joq.

"Polıseı jarady, sasyp qalǵan joq. Júgirip ketti, men qorqyp kettim, ol da janyp ketti dep oıladym. Onyń áriptesteri keldi, kóptegen adamdar jınaldy. Polıseı óz ómiri úshin qoryqqan joq. Jaraısyń", dedi jergilikti turǵyn.