Parlamenttik tyńdaýdyń aldynda senatorlar kásiporyn ıelerimen bar problemalardy talqylaıdy. Bul joly depýtattar kólik uıymdary, óńdeý ónerkásibi, fermerler, qyzmet kórsetý salasy qaýymdastyqtarynyń ókilderimen kezdesti.
Senator Dáýren Ádilbekov depýtattyq korpýstyń barlyq jumysy bıznesti, eń aldymen shaǵyn jáne orta bıznesti damytýǵa kedergi keltiretin tosqaýyldardy joıýǵa baǵyttalǵanyn atap ótti.
Kásipkerler ShOB damýyn tejeıtin birqatar problemalar men táýekelderdi atap ótti: jeńildetilgen kredıtterdiń shekteýliligi men qoljetimsizdigi, joǵary paıyzdyq mólsherlemeler, salyq júktemesi, úı-jaılar úshin úlken jaldaý aqysy, EAEO sheńberinde eleýli kedergiler, alyp qoıýlar men shekteýler, memlekettik qoldaý sharalaryn alý kezindegi bıýrokratııalyq kedergiler jáne taǵy da basqalar.
Senatorlar ShOB ókilderin barlyq máselelerdi pysyqtap, olardy Komıtettiń jumys otyrystaryna jáne Palatanyń qaraýyna shyǵaratynyna sendirdi.
