Bul «kabınet» – sot qurylymynda qolǵa alynǵan zamanaýı tehnologııanyń biri. Elektrondy format eń aldymen halyqqa sot júıesiniń qoljetimdiligi men ashyqtyǵyn qamtamasyz etý maqsatynda jasalyp otyr. Osy «kabınet» arqyly sotqa elektrondy túrde talap-aryz, shaǵym, ótinish berýge, memlekettik baj salyǵyn onlaın rejimde tóleýge, sot qujattary men jalpy sot isine qatysty barlyq qujatty qadaǵalap otyrýǵa bolady.
Sot kabınetiniń maqsaty – azamattar men ýákiletti organdarǵa Sot kabıneti servısiniń jańa múmkindikterin, qoldaný barysyn túsindirý. IOS mobıldik platformasyndaǵy «Sot kabıneti» mobıldik qosymshasy – IOS, Android jáne Windows Phone mobıldik qosymshasy servısteriniń ınterfeısterin sıpattaıdy.
Paıdalanýshylardy mobıldik qosymshada tirkeý servısiniń veb nusqasyna qaraǵanda ózindik artyqshylyqtary da bar. Tirkelý úshin paıdalanýshy kelisimine aldyn ala qol qoıyp, azamat óziniń JSN jáne uıaly telefon nómirlerin kórsetse de jetkilikti. Kórsetilgen uıaly telefon nómerine qosymshaǵa kirý úshin habarlama arqyly qupııa sóz keledi.
Sonymen qatar osy servısti paıdalanýshylarǵa «kómek» kórsetý baǵyty engizilgen. Onda sot kabınetin paıdalaný boıynsha nusqaýlyq, sot kabınetimen jumys isteý jónindegi anyqtama, «Sot kabıneti» mobıldi qosymshasynyń paıdalanýshy nusqaýlyǵy jáne «Paıdaly siltemeleri» servısi usynylǵan. «Sot kabıneti» veb-nusqasymen «Sot kabınetiniń mobıldik nusqasy» qosymshasynda jańalyqtar, isterdi qaraý tizimderi, tapsyrylǵan qujattar, habarlandyrýlar, sot prosesi qatysýshylarynyń kúntizbesi jáne chat servısteri úılestirilgen.
Sot kabınetiniń mobıldi qosymshasyndaǵy jańalyqtar servısi isterdi qaraýǵa, naqty sot organy boıynsha tańdap alý múmkindigimen taǵaıyndalǵan sot otyrystary týraly aqparatty (ótkizý kúnin, ornyn, ýaqytyn) onlaın rejimde tabýǵa; tapsyrylǵan qujattar servısi osy qosymshany paıdalanýshyǵa mobıldik qondyrǵyǵa júkteý múmkindigimen sot organdaryna Sot kabıneti veb-servısi arqyly joldanǵan barlyq barlyq qujattardy kórýge; habarlaý servısi – paıdalanýshyǵa sot organdaryna bergen sot qujattarynyń mártebesin baqylap otyrýǵa; sot prosesi qatysýshylarynyń kúntizbesi servıs, kúntizbege oqıǵalardy qosýǵa, sondaı-aq siz prosess qatysýshysy bolyp tabylatyn sot otyrystary týraly málimetterdi kórsetýge; chat servısi qosymsha paıdalanýshylaryna mátindik habarlamalarmen almasýǵa múmkindik beredi.
Sonymen qatar sot kabınetin paıdalanýshy «Is qujattary boıynsha qujattar» bólimi arqyly pikir, qarsy talap aryz, sot prosesiniń hattamasyna eskertýler, atqarý paraǵyn joldaý týraly ótinish, atqarý paraǵynyń telnusqasyn berý týraly aryz, sot aktileriniń kóshirmelerin berý týraly aryz jáne osy sekildi basqa da ótinishterdi bere alady. Halyqtyń sotqa degen senimin odan saıyn arttyrý maqsatynda osy baǵyttaǵy jumystar aldaǵy ýaqytta da jalǵasyn tabatyn bolady.
Aıshagúl DOSMÝRZINA
Batys Qazaqstan oblysy
