OILASPAǴAN IS TERIS NÁTIJE BEREDI

Jastardyń qyrshyn ketýine ana retinde qandaı baǵa berýge bolady. Bizdiń kórshimizdegi oryn alǵan oqıǵa shynymen de jan túrshiktiredi. Ol ózin ózi aqtaıdy dep aıta almaımyn. Árıne, jaǵdaıdyń sonshalyqty ýshyǵyp ketýin aldyn ala boljap bilý de múmkin emes shyǵar. Biraq, eń aldymen halyq qamy birinshi orynǵa qoıylǵany jón emes pe edi. Qazaqstan basshysy N.Nazarbaev Qyrǵyzstandaǵy oqıǵalarǵa qatysty sózinde eger halyqtyń jumysy bolsa, onda olar mundaı qadamǵa barmas ta edi degendeı oıyn da aıtyp ketti ǵoı... Osynshama qıratylǵandy endi qaıta qalpyna keltirý kerek. Múldem artyq shyǵyn, artyq jumys pen kúsh-jiger. Eger oryn alǵan oqıǵaǵa oı jiberip qarasaq, onda olardyń óz-ózderin tonaǵandaryn, bir-birin óltirgenderin kóremiz. Olaı bolsa, mundaı keleńsizdik aqtap alynbaıdy jáne aqtalmaıdy da. Keshegi oryn alǵan jaǵdaı Qyrǵyz­standy taǵy da birneshe jylǵa keri ysyryp tastady. Turmystyq jaǵdaı­lary nashar halyq osydan 5 jyl buryn da osyndaı tóńkeris uıymdastyrǵan-dy. Eger maqsatqa kúsh kórsetý arqyly, on­da da jeke múdde turǵysynan qol jet­kizil­se, onda nátıjesi de jaqsy bolmaı­dy. Men tek qyrǵyzdarda ǵana emes, álemde de osyndaı qandy oqıǵalar oryn almaı-aq qoısa eken dep tileımin. Qyrǵyzstandaǵy oqıǵalardyń aldyn alýǵa bolar ma edi degen kezde bolady dep aıtýǵa negiz bar. О́ıtkeni, Qazaq­stanǵa jumys isteýge kelgen qyrǵyzdar­dan óz áleýmettik turmys­taryn jaqsar­týǵa degen talpynystaryn kórýge bola­dy. Al óz elderinde ondaı múmkindik te joq. Bizben salystyrǵanda, azyq-túlik arzan dep jatady. Onyń sebebi túsinikti, óıtkeni, ondaǵy jalaqy mardymsyz. Qazaqta “Eldiń baǵyn ashpasa, er muratqa jeter me, Erdiń saǵyn syn­dyr­sa, el muratqa jeter me” degen kere­met bir maqal bar. Mine, osy maqal dál osy oqıǵaǵa oraılas aıtylǵandaı. Prezıdent pen halyq bir-birin jaqsy túsinýleri ári bir-birin qoldaýlary kerek. Bolmashy­dan shı shyǵatyn zamanda árbir qımyldy oılanyp baryp jasamasaq, onda onyń ótemi qymbatqa túsedi. Lıýdmıla HOChIEVA, Parlament Májilisiniń depýtaty.