Arnaıy baspasóz máslıhatynda em-dom jasap jatqan dáriger naýqastyń baqylaýda ekenin aıtyp, aldaǵy 48 saǵat Tramp úshin asa mańyzdy ekenin málimdedi. Jýrnalısterdiń ottegi aldy ma degen suraǵynan jaltarǵan dáriger kesheden beri prezıdentke ottegi berý qajettiligi bolmaǵanyn jetkizdi. Al senbi kúni Tramp Twitter-de tórt mınýttyq vıdeo jarııalady. Úndeýde ol densaýlyǵyna alańdap, qoldaý bildirip jatqan jerlesterine jáne tilektestik bildirgen álem kóshbasshylaryna alǵysyn jaýdyrdy. О́zi de aldaǵy birneshe kúnniń asa mańyzdy ekenin atap ótti.
Koronavırýs juqtyrǵan Prezıdenttiń áıeli Melanııa Tramptyń syrqaty jeńil ótip jatqan kórinedi. Ol emhanada emes, Aq úıde emdelip jatyr. Prezıdenttiń vırýsty qaıda juqtyrǵany týraly boljamdar birden paıda bola bastady. Kópshilik ótken aptada adam kóp jınalǵan Raýshan baǵynda ótken is-sharada juqtyrǵan bolýy múmkin dep otyr. О́ıtkeni Tramp pen áıelinen bólek, sol jıynda bolǵan taǵy alty adamnyń indet juqtyrǵany belgili bolǵan. Turǵyndar osyǵan deıin de Tramptyń pandemııa aıaqtalǵandaı erkin júrgenin, maska taqpaýyn talaı synǵa alǵan edi.
AQSh vırýs juqtyrǵan elderdiń arasynda áli de kósh bastap tur. Elde barlyǵy 7 mıllıonnan astam odan indet juqtyryp, onyń 700 myńnan astamy qaıtys bolǵan.
