Onyń sózinshe, qazirgi tańda Baızaq aýdanynda uzyndyǵy 21 shyqyrym 800 metrlik temir-betondy О́temis kanalynyń arna salynýda. "Bul uzaq jyldar boıy eginin sýara almaı otyrǵan sharýalardyń máselesin sheship bermek",- dedi Q. Bedebaev.
Bıylǵy vegetasııalyq kezeń sáýir aıynda bastalǵan. Oblystyń egindi alqaptaryna keletin sýarmaly sýdyń 82 prosenti transshekaralyq ózenderden keledi. Alaıda, bıylǵy jylǵy sý tapshylyǵy biraz qıyndyqtar týdyrǵan. Degenmen «Qazsýshar» RMK Jambyl oblystyq bólimshesi oblys boıynsha 550 mln tekshe metri sharýalarǵa úlestirildi.
«Bul tek Jambyl oblysynda ǵana emes, búkil Qazaqstanda, Orta Azııa elderinde oryn alyp jatqan jaıt. Kórshi elderde de sý az. Degenmen «Qazsýshar» RMK Jambyl oblystyq fılıalynyń qyzmetkerleri kúndiz-túni kezekshilik jasap, aýyldarǵa kezekpen sý berý arqyly sý aınalymyn jasap, sharýalarǵa qajetti sýyn berdi. Aýyl sharýashylyǵy basqarmasynyń dereg boıynsha barlyq sharýalar eginderin jınap aldy. Qýrap qalǵan egin joq»,- dedi Q.Bedebaev.
Sondaı-aq, óńirde eski jeliler men sý nysandary jańartý jumystary qarqyndy júrgizilýde. Jambyl aýdanynda «Injenerli-drenajdardy basqarý baǵdarlamasynyń» ekinshi tolqyny aıasynda «Keıki» kanalyndy buǵan deıin sý jerge qosylǵan arnamen aǵyp kelse, kelesi vegetasııalyq kezeńde sharýalar lotok kanaldar arqyly «tehnıkalyq joǵaltýsyz» sý alatyn bolady. Merki aýdanynda da temir-betondy arnalar men lotok kanaldarynyń qurylysy qarqyndy júrgizilýde.
Jalpy Jambyl oblysynda 229,7 myń gektar sýarmaly jer bar. "Qazsýshar" RMK Jambyl fılıaly sonyń 169,6 myń gektaryna qyzmet kórsetedi.
Shý-Talas basseındik ınspeksııasy 2020 jyly 3 637,639 mln sharshy metr sý tutynýǵa ruqsat bergen. Onyń ishinde 2054,913 mln. m3 sýarýǵa jáne 1582,726 tehnıkalyq qajettilikterge qarastyrylǵan. Negizinen, sý transshekaralyq Shý, Talas jáne Asa ózenderinen alynady. Sonyń ishinde 80 prosentin kórshi Qyrǵyz Respýblıkasy beredi. Sonymen qatar, ishki kishi ózender - Aqsaı, Kóksaı, Qaqpatas, Qarakonyz, Merki, Aspara sekildi arqyly sýarady.
2020 jyly "Qazsýshar" RMK Jambyl fılıaly 2 475 aýyl sharýashylyǵy taýaryn óndirýshilermen sý jetkizý boıynsha shart jasasty. Oǵan saı, 118,8 myń gektar sýarmaly jerge 1 025,0 mln. m3 sýmen qamtýy tıis bolatyn.
Alaıda, sáýir men qyrkúıek aralyǵynda, ıaǵnı vegetasııalyq kezeńde 79,66 myń ga alańǵa 550 mln. m3 kóleminde ǵana sý berildi.
Onyń ishinde kelesi aýyl sharýashylyǵy daqyldaryna:
- dándi daqyldar 18,331 myń ga alańǵa 39,557 mln. m3 sý ;
- júgeri 12,099 myń ga alańǵa 58,164 mln. m3 sý;
- qant qyzylshasy 2,888 myń ga alańǵa 24,909 mln. m3 sý;
- kartop 0,793 myń ga alańǵa 3,464 mln. m3 sý;
- kókónister 9,721 myń ga alańǵa 108,271 mln. m3 sý;
- baqsha daqyldary 2,989 myń ga alańǵa 15,964 mln. m3 sý;
- jońyshqa 29,596 myń ga alańǵa 274,243 mln. m3 sý;
- kúnbaǵys 1,540 myń ga alańǵa 11,115 mln. m3 sý;
- baqshalar 1,709 myń ga alańǵa 14,609 mln. m3 sý.
«Qazgıdromet» RMK bıyl sý az bolady dep paıymdaǵan edi. Iаǵnı sýdyń mólsheri jyldaǵydan 15-40% tómen dep boljam jasaǵan bolatyn. Máseleni sheshý úshin fılıal vegetasııalyq kezeń bastalǵanǵa deıin oblystyq jáne aýdandyq ákimdikterge, sondaı-aq aýylsharýashylyq taýar óndirýshilerine sýarmaly sýdy utymdy paıdalaný men ylǵal súıetin daqyldardy az egý jáne ylǵal únemdeıtin tehnologııalardy qoldaný kerektigin eskertken. Budan bólek, daqyldardy egý kezinde óndiristik alańdarymen kelisý týraly usynys aıtqan.
Sýarmaly sý tapshylyǵynyń qazirgi jaǵdaıyn eskere kele, oblys jáne aýdan ákimdikteriniń ókilderimen birge Qordaı, Merki, Jambyl, Baızaq, Talas jáne Jýaly aýdandaryndaǵy aýylsharýashylyq taýar óndirýshilerine túsindirý jumystary júrgizildi. Sý aınalymy, túngi jáne sýarýdyń basqa túrleri boıynsha kesteler jasaldy. Bul sýdy meılinshi tıimdi paıdalanýǵa múmkindik berdi.
