Alǵashqy taımda qyrǵyzstandyq Gúljigit Alyqulov gol soǵyp, komandasyn alǵa shyǵarǵan. "Qaırattyń" tolyqtaı basymdylyǵymen ótken birinshi taımda almatylyq komandada gol soǵatyn taǵy birneshe múmkindik boldy. Tipti bir sátte Abat Aıymbetov qaqpashymen birge-bir shyǵyp gol soǵa almady.
Almatylyqtar ekinshi taımdy da qarqyndy bastady. Alǵashqy bes mınýttyń ishinde eki gol soǵyp, oıyn taǵdyryn sheshti. Aldymen 46-mınýtta Aıbol Ábiken Alyqulovtyń pasynan keıin kózge tústi. Al 49-mınýtta "Astana" qorǵaýshysy Radakovıch óz qaqpasyna gol soǵyp aldy. Bul sátte de soqqyny Gúljigit jasaǵan edi. Osylaısha búgingi oıynda qyrǵyz oıynshysy úsh golǵa da tikeleı áser etti.
Osydan keıin «Qaırat» sál tizgin tarta oınaǵandaı boldy. Biraq «Astana» muny paıdalanyp, esepti qysyqartýǵa múmkindik alǵan joq. Qaıta "Qaırat" esep aıyrmasyn budan da ulǵaıtýy múmkin edi. Aıymbetov taǵy bir márte qaqpashymen bet-bet shyǵyp, múlt ketti. Sondaı-aq, Abat taǵy soqqan taǵy bir gol esepke alynbady.
Osy jeńisten keıin "Qaırat" 29 upaı jınap, týrnırlik kestede jeke dara kósh bastady. Al "Astana" ekinshi orynda tur (21 upaı).
