Aıtýly dodada segiz klýb óner kórsetýde. "A" tobynda "Jetisý", "Baı̆terek", "Aıat" jáne "Oqjetpes" oınasa, "V" tobynda "Qaı̆rat", "Kaspıı̆", "Atyraý" jáne "Aqtóbe" sheberlik baıqasýda. Osy synaqtan súrinbeı ótken ujymdar pleı-offqa joldama alyp, sol básekeler barysynda el kýbogynyń ıegerleri anyqtalady. Barlyq matchtar Nur-Sultanda kórermensiz ótedi.
Esterińizge sala keteıik, Qazaqstan kýbogy jolyndaǵy jarys 1997 jyldan beri úzdiksiz uıymdastyrylyp keledi. Alǵashqy eki týrnırde Aqtaýdyń "Munaıshysy" top jardy. Al osy dodada eń kóp oljaǵa kenelgen komanda – "Qaırat". Almatylyqtar 14 ret jeńimpaz atandy. Byltyr ótken básekede de aıtýly bas júldeni ıelendi.
