«Tańǵy saǵat 05:00 shamasynda polısııaǵa turǵynnan túngi ýaqytta barlyq normalardy buza otyryp, Shevchenko kóshesindegi «Ýgol 4/1» kafesi ashyq turǵany týraly qońyraý tústi. Oqıǵa ornyna polısııa qyzmetkerleri dereý jetti. Tekserý kezinde kafede on kelýshi boldy. Karantın sharalaryn buzǵany úshin birneshe ret ákimshilik jaýapkershilikke tartylǵanyna qaramastan, «Ýgol 4/1» ıesi bas sanıtarlyq dárigerdiń talaptaryn elemegen», – delingen polısııa departamentiniń habarlamasynda.
Menshik ıesine qatysty ákimshilik kodekstiń 425-baby boıynsha – halyqtyń sanıtarlyq-epıdemıologııalyq salamattylyǵy salasyndaǵy zańnamanyń, sondaı-aq gıgıenalyq normalardyń talaptaryn buzý boıynsha taǵy bir ákimshilik is qozǵaldy.
Demalys kúnderi barlyǵy 34 karantın tártibin buzýshylyq anyqtaldy. Aıta keteıik, mundaı reıdter apta saıyn ótkiziledi.
Nur-Sultan qalalyq polısııa departamenti azamattardy jaýapkershilik tanytýǵa jáne sanıtarlyq normalardy saqtaýǵa shaqyrady.
