Úlken qashyqtyq Abaı shyǵarmashylyǵyn baǵalaýshylar úshin kedergi bolǵan joq. Uly qazaq fılosofy men aǵartýshysynyń 175 jyldyq mereıtoıyna oraılastyrylǵan onlaın-is-shara eki eldiń akademııalyq toptary men shyǵarmashylyq zııaly qaýym ókilderiniń basyn qosty.
Is-sharany ashqan Qazaqstan Elshisi Roman Vasılenko Abaıdyń «Qara sózderi» qazaq jáne álem ádebıetiniń damýy men qalyptasýyna ólsheýsiz úles qosqanyn atap ótti. «Qazaq tilinen aýdarǵanda bul ataý óziniń tereń fılosofııalyq maǵynasy bar jáne onyń danalyq sózderiniń synı, tipti ózin-ózi synı sıpatyn kórsetetin «Qara sózder» degendi bildiredi. Prezıdent Qasym-Jomart Toqaev «Abaı jáne 21-shi ǵasyrdaǵy Qazaqstan» atty maqalasynda bul týraly, sondaı-aq Abaı shyǵarmashylyǵynyń qazirgi Qazaqstan úshin neni bildiretini týraly óte anyq aıtqan bolatyn. Bul kitapty basyp shyǵarý slovaktarǵa qazaqtardyń tarıhy men qazirgi Qazaqstandy jaqsyraq túsinýge múmkindik beredi jáne bizdiń eki halqymyz ben eki elimizdi odan da jaqyndatady dep úmittenemiz», − dedi qazaqstandyq dıplomat.
Shyǵarma álemniń kóptegen tilderine aýdarylǵan jáne qazir slovak oqyrmandary úshin alǵash ret ashylýda.
Jańa kitaptyń danalary slovak joǵary oqý oryndarynyń kitaphana qorlaryna jáne Slovakııanyń qoǵamdyq kitaphanalaryna jiberiletin bolady.
