A.Ǵınııat Qazaqstandaǵy epıdemııalyq jaǵdaı men COVID-19 ekinshi tolqynyna daıyndyq aıasynda qabyldanyp jatqan sharalar týraly habardar etti.
«Qazirgi ýaqytta Qazaqstanda koronavırýs ınfeksııasy boıynsha epıdemııalyq jaǵdaıdy turaqtandyrýǵa qol jetkizdik. Biraq, buǵan qaramastan, shetelderde koronavırýs ınfeksııasyna qatysty jaǵdaıdyń qıyndap bara jatqanyn baıqap otyrmyz», dedi ol.
Vıse-mınıstr JRVI jáne tumaýǵa shaldyqqandarǵa nazar aýdardy. Ol jyl saıyn kúzgi-qysqy kezeńde joǵarǵy tynys alý joldary vırýstyq aýrýlary órshıtinin atap ótti. Mınıstrlik JAO-men birlesip Covid-19 koronavırýs ınfeksııasynyń taralýyn toqtatý maqsatynda medısınalyq uıymdardy kúzgi-qysqy kezeńge daıyndaý boıynsha jumysty jalǵastyrýda. Bul úshin mınıstrlik monıtorıng júrgizip, respýblıkanyń 16 óńirin aralap shyqty.
«О́ńirler mobıldi brıgadamen jáne JMK brıgadalarymen, sondaı-aq pýlsoksımetr, termometr, JQQ qamtamasyz etilýine qaramastan, júıeli jáne barlyq oblystarǵa tán birqatar problemalyq máseleniń baryn atap ótken jón. Osyǵan baılanysty biz semınar-trenıng uıymdastyrdyq. Bul kezdesý joǵaryda atalǵan problemalardy joıýǵa jáne Covid-19 kúdikti pasıentterge medısınalyq kómek kórsetý úshin sheshim qabyldaýǵa yqpal etetinine senimdimin», dedi vıse-mınıstr.
Semınar barysynda MSAK uıymdarynyń basshylary JRVI jáne COVID-19-ǵa shaldyqqan pasıentterge medısınalyq kómek kórsetýge daıyndyq barysymen bólisti. Olar halyqty dári-dármek, kadrmen qamtamasyz etý boıynsha emhanalardyń daıyndyǵy, emhana deńgeıinde daǵdarysqa qarsy shtab qurý, mobıldi brıgadalardyń jumysy, úıdegi stasıonardy uıymdastyrý, sondaı-aq medısına qyzmetkerleri men halyqty qorǵaý úshin qabyldanǵan epıdemııaǵa qarsy is-sharalar týraly aıtyp berdi.
Semınar qorytyndysy boıynsha MSAK uıymdary halyqqa ýaqtyly jáne sapaly medısınalyq kómek kórsetý jáne kúzgi-qysqy kezeńde COVID-19, basqa da vırýstyq ınfeksııalyq aýrýlardyń yqtımal ósýine 100% daıyn bolý úshin sharalar qabyldaıdy dep kútilýde.
