Prezıdenttiń tikushaǵy Ýolter Rıd atyndaǵy ásker-teńiz gospıtalinen shyǵyp, Aq úıdiń mańyna qonǵan. Aq úıdiń balkonynda sóz sóılegen D.Tramptyń bul áreketi jaqtastaryn alańdatyp otyr. Beıneúndeýde onyń áreń tynys alyp, demalýǵa qınalyp turǵany baıqalady. Budan bólek, Aq úı basshysy baspaldaqpen kóterilip bara jatqanda medısınalyq betperdesin birden sheship tastaǵany vıdeoǵa túsip qalǵan.
"Men táýekel men qaýip baryn bilemin, bul – qalypty jaǵdaı. Qazir jaǵdaıym jaqsy. Múmkin ımmýnıtet bar shyǵar. Oǵan (vırýsqa) ómirińizde basymdyq bermeńiz, dalaǵa shyǵyńyz, saq bolyńyz, bizde álemdegi eń jaqsy dáriler bar... Al vaksınalar jaqynda daıyn bolady", deıdi D.Tramp.
