"5 myńnan astam adam farmasevtıka ónerkásibiniń turaqty qyzmetin qamtamasyz etedi. Iri óndiris oshaqtary elimizdiń 4 óńirinde: Almaty men Shymkent qalalarynda, Almaty jáne Qaraǵandy oblystarynda ornalasqan. Olar dári-dármek pen medısınalyq buıymdar óndirisiniń 75%-yn qamtamasyz etedi. Sala kásiporyndardyń turaqty qyzmetiniń nátıjesinde 2019 jyly óndiris kólemi 18%-ǵa ósip, 92 mlrd teńgeni qurady. Eksport 69%-ǵa artyq", dedi B.Atamqulov.
Mınıstrdiń aıtýynsha, bıylǵy 8 aıda otandyq kásiporyndar farmasevtıkalyq ónimderge degen joǵary qajettilikti qamatamasyz etip, óndiris 34,1%-ǵa (81,5 mlrd teńgege) ósti.
Farmasevtıkalyq jáne medısınalyq ónerkásipti odan ári damytýdyń 2020-2025 jyldarǵa arnalǵan keshendi jospar ázirlendi. Jospar 62 is-shara men 8 bólimnen turady. Farmasevtıkalyq qyzmetti zańnamalyq retteý aıasynda otandyq óndirýshiler men sheteldik ınvestorlar úshin farmasevtıka ónimderdiń ishki naryǵyna shyǵýyn ońaılatý qarastyrylǵan.
Satyp alýdaǵy jergilikti ónimderdiń úlesin ulǵaıtý jáne satyp alý merzimin qysqartý kózdeledi. Barlyq jergilikti atqarýshy organdar úshin jergilikti qamtý boıynsha KPI bekitilmek. Farmasevtıkalyq ónimderdiń baǵalaryn tirkeý memlekettik qyzmet kórsetý formatyna aýystyrylady.
Bul is-sharalardyń barlyǵy "Halyq densaýlyǵy jáne densaýlyq saqtaý júıesi" týraly kodekske, sondaı-aq ózge de normatıvtik aktilerge ózgerister engizý arqyly iske asyrylady.
