"Qymbatty otandastar! Keshe túnde keıbir saıası kúshter memlekettik bılikti zańsyz basyp alýǵa tyrysty. Saılaý nátıjelerin sebep retinde qoldana otyryp, olar qoǵamdyq tártip pen azamattardyń beıbit ómirin buzdy. Olar tártip saqshylaryna baǵynbaı dárigerlerdi uryp, ǵımarattarǵa zaqym keltirdi. Men kúsh organdaryna birde-bir azamattyń ómirine qaýip tóndirmes úshin ot jaýdyrmaýdy jáne qan tógilmeýin buıyrdym.
Ázirge biz jaǵdaıdyń ýshyǵýyna jol bermeý úshin barlyq múmkin sharalardy qabyldadyq. Memlekettegi tynyshtyq, qoǵamnyń turaqtylyǵy kez kelgen depýtattyq mandatqa qaraǵanda qundy. Men Ortalyq saılaý komıssııasyna buzýshylyqtardy muqııat zerttep, qajet bolǵan jaǵdaıda saılaý nátıjelerin joıýdy usyndym. Men saıası partııalardyń jetekshilerin óz jaqtastaryn sendirýge jáne olardy jınalǵan jerlerden alyp ketýge shaqyramyn.
Barlyq otandastarymdy beıbitshilikti saqtaýǵa jáne arandatýshylyq kúshterdiń úndeýine berilmeýge shaqyramyn. Bizdiń elimizdiń tynyshtyǵy men qoǵamymyzdyń qaýipsizdigi — eń mańyzdy nárse. Men barlyq kúsh-jigerimdi el taǵdyryn saıası ambısııalardan joǵary qoıyp, quqyqtyq óriske oralýǵa shaqyramyn", delingen Sooronbaı Jeenbekovtiń málimdemesinde.
